Այսօրվա եթերաժամը նվիրված է միջնադարում տարածված և համաշխարհային մշակույթի պատմության մեջ անկրկնելի հետք թողած տրուբադուրներին։  

Թողարկումը նվիրված է Գեորգի Սվիրիդովի երկերի ամենահայտնի շարքին, որը կոմպոզիտորն անվանել է «Երաժշտական պատկերներ՝ ըստ Ալեքսանդր Պուշկինի «Ձյունահողմ» վիպակի»։

1878 թվականին Լայպցիգի «Բարթհոլֆ Զենֆ» հրատարակչատանը լույս է տեսնում իսպանացի կոմպոզիտոր Պաբլո Սարասատեի 20-րդ օպուսը՝ «Գնչուական մեղեդիները»: Հինգ տարի անց՝ 1883 թվականին, Սարասատեն մի տարօրինակ նամակ է ստանում հունգար կոմպոզիտոր Էլեմեր Սենտիրմայից, որը հայտնում է, որ «Գնչուական մեղեդիների» մասերից մեկն իր ստեղծածն է։

Բեթհովենի «Հերոսական» սիմֆոնիայով սկսվել է եվրոպական սիմֆոնիզմի մի նշանակալից դարաշրջան: Սիմֆոնիան ստեղծվել է կոմպոզիտորի համար հոգեբանական չափազանց ծանր շրջանում:

Հաղորդման վերջում սիմֆոնիայի I և II մասերը կներկայացնի Բեռլինի ֆիլհարմոնիկ նվագախումբը` Հերբերտ ֆոն Կարայանի ղեկավարությամբ:

Այսօրվա հաղորդաժամը նվիրված է չեխ կոմպոզիտոր Անտոնին Դվորժակի «Սլավոնական պարեր» երկի ստեղծման պատմությանը: Այն կարող եք ունկնդրել հաղորդման վերջում՝ Քլիվլենդի սիմֆոնիկ նվագախմբի կատարմամբ: Դիրիժոր՝ Ջորջ Սելլ:

Լեհ կոմպոզիտոր Միխալ Օգինսկու «Հրաժեշտ հայրենիքին» պոլոնեզը համարում են ժամանակակից Լեհաստանի երաժշտական խորհրդանիշը: Նույնիսկ առաջարկում էին այն դարձնել Լեհաստանի պետական օրհներգը, սակայն հրաժարվեցին այս մտքից, որովհետև երգեցողության համար այս ստեղծագործությունը չափազանց դժվար է:

Վաղնջական ժամանակներից հիասքանչ ու նրբագեղ կարապի մասին լեգենդներ ու առասպելներ են հյուսել՝ նրան համարելով մաքրության ու վեհության խորհրդանիշ: Կարապի գեղեցկությունը ոգեշնչել է մի շարք գրողների, նկարիչների ու կոմպոզիտորների, որոնց թվում` նաև ֆրանսիացի կոմպոզիտոր Կամիլ Սեն-Սանսին: Վերջինիս «Կենդանիների դիմակահանդես» սյուիտից «Կարապը» պիեսին կանդրադառնանք մեր այսօրվա հաղորդաժամին։

Միջնադարյան բենեդիկտյան Բենեդիկտբոյեռն (կամ կարճ՝ Բոյեռն) վանքը Գերմանիայի Բավարիա երկրամասում է: Տարիներ շարունակ տեղի վանականները հավաքել ու պահպանել են տարբեր բովանդակության գրքեր: Դրանցից թերևս ամենահայտնին «Կարմինա Բուրանա» ժողովածուն է, որը լատիներենից թարգմանաբար նշանակում է «Բոյեռնի երգերը»: Ժողովածուի նյութերի տարածմանը մեծապես նպաստել է գերմանացի կոմպոզիտոր և մանկավարժ Կառլ Հայնրիխ Մարիա Օրֆը՝ գրելով իր հայտնի «Կարմինա բուրանա» բեմականացված կանտատը:

Բոլերոն իսպանական ազգային պար է, որի առաջին տարատեսակները երևան են եկել 18-րդ դարի երկրորդ կեսից։ 19-րդ դարում բոլերոն այնպիսի մեծ համբավ է վայելել, որ ոչ միայն ազնվականներն են այն պարել, այլև այն դարձել է երաժշտական թատրոնի մաս. այն սկսել են սովորեցնել դասական բալետի կանոններով: 

1735 թվականին իտալացի կոմպոզիտոր, ջութակահար և երգեհոնահար Ջովաննի Բատիստա Պերգոլեզին Իտալիայի Նեապոլ քաղաքից, որտեղ նա ապրում և ստեղծագործում էր, տեղափոխվում է մերձակա Պոցուոլի փոքրիկ գյուղաքաղաքի ֆրանցիսկյան միաբանության վանքը: Պատճառը տուբերկուլոզ հիվանդությունն էր, որը մեկ տարի անց՝ 1736 թվականի մարտի 16-ին, խլեց 26-ամյա կոմպոզիտորի կյանքը: Հենց այս մեկ տարվա ընթացքում էլ երաժիշտը ստեղծում է իր ամենանշանակալից ստեղծագործությունը՝ «Ստաբատ մատեր» ֆա մինոր կանտատը։

Օրորոցային երգը երաժշտական բանահյուսության ամենահին ժանրերից է՝ մարդկության պատմության նախապատմական շրջանից։ Ամեն ժողովուրդ ունեցել է իր դիցաբանությանը, աշխարհայացքին և փիլիսոփայությանը բնորոշ օրորոցայիններ, որոնցում մինչ օրս գրեթե ոչինչ չի փոխվել։

Աշխարհի ամենազարմանահրաշ՝ «երգող» քարանձավը Շոտլանդիայում է՝ Ստաֆա կղզում…

XIV-XV դարերում արևմտաեվրոպական մշակույթն ամբողջությամբ «հեղեղված» էր մահվան թեմայով։ Արվեստի նման ուղղությունը շուտով ստանում է իր անվանումը՝ «Դանս Մակաբր» կամ «Մահվան պար»:

Վլտավան Չեխիայի ամենաերկար գետն է (շուրջ 430 կիլոմետր)՝ Էլբայի ձախ վտակը: Չեխիայի ողջ պատմության ընթացքում գետը յուրօրինակ դեր է կատարել երկրի կյանքում: Իսկ չեխ կոմպոզիտոր Բեդրժիխ Սմետանայի «Վլտավա» սիմֆոնիկ պոեմը համարում են երկրի ոչ պաշտոնական օրհներգը: 
Հենց այս հանճարեղ երկի ստեղծման մասին էլ կխոսենք այսօր:

Շարունակում ենք մեր նախորդ հաղորդաժամի «Ավե Մարիա» կաթոլիկ աղոթքի թեման: Այսօր ձեզ կծանոթացնենք մեկ այլ «Ավե Մարիա» երաժշտական ստեղծագործության նույնքան հետաքրքիր պատմության, որը 18-րդ դարի գերմանացի կոմպոզիտոր Յոհան Սեբաստիան Բախի և 19-րդ դարի ֆրանսիացի կոմպոզիտոր, երաժշտական քննադատ Շառլ Գունոյի այսպես կոչված «համագործակցության» արդյունքն է:

«Ավե Մարիան» սուրբ Աստվածամորը նվիրված ամենահայտնի կաթոլիկ աղոթքներից է։ Նրա տեքստի հիման վրա տարբեր ժամանակներում երաժշտական գլուխգործոցներ են ստեղծվել։
Այսօր մենք կանդրադառնանք Ֆրանց Շուբերտի «Էլենի երրորդ երգը» ստեղծագործությանը, որը հաճախ սխալմամբ անվանում են «Ավե Մարիա»:

Ստեղծագործական երազներ տեսնելու ունակությունը հանճարներին բնորոշ ամենաանբացատրելի առեղծվածներից է: Մեզ են հասել բազմաթիվ պատմություններ այն մասին, որ այս կամ այն կարևորագույն նշանակության գյուտի հեղինակը կամ արվեստի հանճարեղ կոթող ստեղծողը երազի միջոցով է հուշում ստացել:

Ավստրիացի կոմպոզիտոր Ֆրանց Յոզեֆ Հայդնը շուրջ երեք տասնամյակ անցկացրել է Էստերհազի իշխանների դղյակում, որն իր հարստությամբ ու շքեղությամբ չէր զիջում կայսեր պալատին:

Շուրջ 300 տարի առաջ՝ 1732-1734 թվականներին, բարոկկո դարաշրջանի գերմանացի կոմպոզիտոր, երգեհոնահար և ջութակահար Յոհան Սեբաստիան Բախը գրում է իր հայտնի «Սրճային կանտատը», որը համարվում է սուրճ գովազդող երաժշտական առաջին ստեղծագործությունը։

Հաղորդումը նվիրված է ռուս մեծանուն կոմպոզիտոր, դիրիժոր, մանկավարժ, երաժշտական քննադատ, ավելի քան 80 ստեղծագործությունների հեղինակ Պյոտր Չայկովսկու վերջին՝ 6-րդ սի մինոր սիմֆոնիայի պատմությանը։ Այս ստեղծագործությունը կարելի է համարել կոմպոզիտորի երաժշտական ինքնակենսագրությունը:

№ 14 դո-դիեզ մինոր սոնատը, որը Լյուդվիգ վան Բեթհովենն անվանել է «ֆանտազիայի նման սոնատ» (sonata quasi una fantasia), 1802 թվականի ձմռանը Բոննում տպագրել է հրատարակիչ Նիկոլաուս Զիմրոկը: Երկի տիտղոսաթերթին գրված էր՝ «Նվիրված է կոմսուհի Ջուլիետա Գվիչարդիին»...

Բարոկկո դարաշրջանի իտալացի կոմպոզիտոր, ջութակահար Տոմազո Ջովանի Ալբինոնիի սոլ մինոր ադաջիոն՝ գրված երգեհոնի և լարային գործիքների համար, այսօր աշխարհում ամենահայտնի և առավել հաճախ կատարվող երաժշտական գործերից է: Սակայն շատերը չգիտեն, որ Ալբինոնին գրեթե կապ չունի այս ստեղծագործության ստեղծման հետ:

@Երաժշտական_կոթող

«Արվեստի երանգներ» հաղորդաշարի մեր եզրափակիչ թողարկումը նվիրված է պարերի արքային՝ վալսին․․․

Այսօրվա եթերաժամին կպատմենք, թե երբ և ինչու ստեղծվեցին քայլերգերը, դրանց ինչ տարատեսակներ կան, թողարկման ընթացքում հնարավորություն կունենաք ունկնդրելու հատվածներ այս ժանրի լավագույն երկերից․․․