Հաղորդումն անդրադառնում է որոմների առակին և Տեր Հիսուս Քրիստոսի կողմից դրա մեկնությանը: Միայն Մատթեոսի Ավետարանում պահպանված այս առակով մեր Տերը տալիս է մինչև այսօր ամենից հաճախ տրվող հետևյալ հարցերի պատասխանը. «Ինչո՞ւ է Աստված հանդուրժում մեղավոր ու չար մարդկանց, և ինչպե՞ս է բացատրվում նրանց առկայությունը եկեղեցում»: Առակի մեկնության համաձայն՝ երկու գլխավոր պատճառ կա. առաջին՝ որովհետև նույնիսկ ամենավատ մարդու հետ կապ ունեցող լավ մարդիկ կան, որոնք կարող են վնաս կրել, երբ Աստված արդար դատաստանով հենց այս աշխարհում դատի նրանց, և երկրորդ՝ որովհետև, ի տարբերություն բուսական աշխարհի, հոգևոր կյանքում որոմները կարող են փոխվել ու դառնալ ցորենի առողջ ու բարի հատիկներ: