Տասներկու առաքյալներն իրենց քարոզչական շրջագայություններից վերադառնում են Վարդապետի մոտ և մանրամասնորեն պատմում այն ամենը, ինչ իրենց հետ տեղի էր ունեցել: Առաքյալներին լսելուց հետո Հիսուսը որոշում է մի առանձին ամայի վայր գնալ՝ առաքյալներին հանգստանալու և առանձնության մեջ մնալու հնարավորություն տալու համար: Սակայն, դեռ նավակից չիջած, նրանք տեսնում են, որ ծովակի մյուս ափին նրանց սպասում է ժողովրդի բազմությունը, որ նման էր ոչխարների ցրված հոտի, որոնք հովիվ չունեին: Սա պատճառ է լինում, որ Հիսուսը գթա նրանց և սկսի քարոզել և ուսուցանել: