Հայ
LIVE
Ե
Ե
Չ
Հ
Ու
Շ
Կ
21:00 - դասական երաժշտություն, 22:00 - Հայելի (կրկնություն), 22:30 - դասական երաժշտություն, 24:00 - Աղոթքներ, 24:02 - «Գանձասար» ռադիոհանդես (ռուսերեն), 21:00 - Հոգեվոր զրույցներ (կրկնություն), 22:00 - Ոսկեփորիկ, 22:15 - դասական երաժշտություն, 23:00 - Հայկական վանքեր եվ սրբատեղիներ (կրկնություն), 24:00 - Աղոթքներ, 24:02 - «Գանձասար» ռադիոհանդես (ռուսերեն),
ծրագրեր
Երկուշաբթի 08:02, 20:02
Երեքշաբթի 08:02, 20:02
Չորեքշաբթի 08:02, 20:02
Հինգշաբթի 08:02, 20:02
Ուրբաթ 08:02, 20:02
Շաբաթ 08:02, 20:02
Կիրակի 08:02, 20:02
«Գանձասար» ռադիոհանդես (հայերեն)
Երկուշաբթի 14:00, 24:02
Երեքշաբթի 14:00, 24:02
Չորեքշաբթի 14:00, 24:02
Հինգշաբթի 14:00, 24:02
Ուրբաթ 14:00, 24:02
Շաբաթ 14:00, 24:02
Կիրակի 14:00, 24:02
«Գանձասար» ռադիոհանդես (ռուսերեն)
Չորեքշաբթի 10:00, 22:00
Հինգշաբթի 02:00
Ակունք
Երկուշաբթի 08:00, 12:00, 20:00, 24:00
Երեքշաբթի 08:00, 12:00, 24:00
Չորեքշաբթի 08:00, 12:00, 20:00, 24:00
Հինգշաբթի 08:00, 20:00, 24:00
Ուրբաթ 08:00, 20:00, 24:00
Շաբաթ 08:00, 20:00, 24:00
Կիրակի 08:00, 10:58, 20:00, 24:00
Աղոթքներ
Հինգշաբթի 12:00, 21:00
Ուրբաթ 04:00
Աշխարհայացք
Հինգշաբթի 10:00, 22:00
Ուրբաթ 02:00
Արվեստի երանգներ
Հինգշաբթի 16:00, 23:00
Բնանկարի հայ վարպետները
Երկուշաբթի 04:00, 16:00, 23:00
Գրական ընտրանի
Ուրբաթ 16:00
Կիրակի 16:00
Երաժշտական թատրոնի գոհարներ
Երեքշաբթի 10։00, 22:00
Չորեքշաբթի 02։00
Համաշխարհային դասական երաժշտություն
Երկուշաբթի 10:00, 22:00
Երեքշաբթի 02:00
Հայ կոմպոզիտորներ և կատարողներ
Ուրբաթ 10:00, 22:00
Շաբաթ 02:00
Հայելի
Շաբաթ 16:00, 23:00
Կիրակի 04:00
Հայկական վանքեր և սրբատեղիներ
Երեքշաբթի 09:00, 11:00, 13:00
Ուրբաթ 09:00, 11:00
Հանդիպում ուղիղ եթերում Օլյա Նուրիջանյանի հետ
Չորեքշաբթի 12:02, 21:00
Հինգշաբթի 04:00
Շաբաթ 21:00
Հոգևոր զրույցներ
Երկուշաբթի 12:02, 21:00
Երեքշաբթի 04:00
Շաբաթ 10:00
Հոգևոր զրույցներ համատես Ավետարանների շուրջ
Երեքշաբթի 12:02, 21:00
Չորեքշաբթի 04:00
Կիրակի 10:00, 21:00
Մեկնություն
Երեքշաբթի 16:00, 23։00
Նոր գրքեր
Շաբաթ 12:00, 22:00
Կիրակի 02:00
Ոսկեփորիկ
Նախաձեռնություններ Հարցախաղ Մեդիա «Վէմ» ակումբ արտադրանք
Տ. Մարկոս քհն. Մանգասարյան
Հաղորդման ժամանակացույց
Երկուշաբթի - 12:02, 21:00
Երեքշաբթի - 04:00
Շաբաթ - 10:00
Հոգևոր զրույցներ համատես Ավետարանների շուրջ

Բաժանորդագրվել
1/1
11 Դեկտեմբեր Մաս 65

Սերմնացանի առակից անմիջապես հետո Մատթեոսի Ավետարանը ներկայացնում է առաքյալների և Տեր Հիսուս Քրիստոսի հարց ու պատասխան զրույցը, որտեղ Հիսուսը բացատրում է, թե ինչու է առակներով խոսում մարդկանց հետ: Սրանից անմիջապես հետո Մատթեոս ավետարանիչը ներկայացնում է Սերմնացանի առակի մեկնաբանությունը հենց Տեր Հիսուսի կողմից: Քրիստոսը, մեկնելով առակը, շեշտում է, որ սերմն ընդունած հողի տարբեր տեսակները այն մարդիկ են, ովքեր լսում են Արքայության խոսքը և կամ չեն հասկանում, կամ շուտ ոգևորվում են և, պարարտ հող չունենալով, չորանում, կամ, աշխարհի հոգսերով ու հարստության պատրանքով տարված լինելով, կյանքի չեն կոչում արքայության մասին խոսքը, կամ էլ, պատրաստ լինելով, ընդունում են և ապրում այդ խոսքի համաձայն:

1/1
1/1
04 Դեկտեմբեր Մաս 64

Հաղորդումն անդրադառնում է Տեր Հիսուս Քրիստոսի առակներով քարոզչությանը: Քրիստոսը սկսեց խոսել առակներով այն ժամանակ, երբ հատկապես դժվարացել էր ժողովարան մտնելը՝ չորացած ձեռքով մարդու բժշկությունից հետո: Եվ առաջին առակը, որը ժողովրդի առաջ ներկայացնում է Տերը, սերմնացանի մասին առակն էր: Այս առակով Հիսուսը ներկայացնում է տարբեր իրավիճակներում Աստծո խոսքը լսող մարդկանց՝ նրանց համեմատելով չորս տեսակի հողի հետ. ա) ճամփեզր, որտեղ ընկած սերմը երկնքի թռչուններն ուտում են, բ) քարքարոտ, ապառաժ վայր, որտեղ հողը քիչ է, և արմատներ չունենալու պատճառով հասկը շուտ չորանում է, գ) փշոտ և մոլախոտերով հող, որտեղ ընկած սերմը խեղդվում է փշերի կողմից, և դ) պարարտ հող, որտեղ ընկած սերմը կարող է տարբեր չափի պտուղներ տալ:

1/1
1/1
13 Նոյեմբեր Մաս 63

Հաղորդման ընթացքում մեկնվում է Ղուկասի Ավետարանի 13.1-9 հատվածը, որտեղ խոսվում է ապաշխարության մասին: Տեր Հիսուս Քրիստոսին ներկայացնում են Երուսաղեմի տաճարում զոհաբերության ժամանակ սպանված գալիլեացիների պատմությունը, որին ի պատասխան՝ Հիսուսը խոսում է Սիլովամի աշտարակի փլման հետևանքով զոհված տասնութ հոգու մասին: Մինչև վերջ պարզ չէ, թե ինչ հանգամանքներում էին տեղի ունեցել այս դեպքերը, բայց երկու պատմության մեջ էլ պարզ է մեկ բան. թե՛ սպանված գալիլեացիները և թե՛ զոհված երուսաղեմացիները հասարակության աչքին մեղավոր մարդիկ էին, ովքեր իրենց վերահաս պատիժն էին ստացել: Տեր Հիսուս Քրիստոսը համաձայն չէր այս մտքին:
Հաղորդման վերջում ներկայացվում է անպտուղ թզենու մասին միայն Ղուկասի Ավետարանում պահպանված առակը:

 

1/1
1/1
06 Նոյեմբեր Մաս 62

Հաղորդումն անդրադառնում է փարիսեցիներին հատուկ ամենատարածված մեղքին՝ կեղծավորությանը: Տեր Հիսուս Քրիստոսը զգուշացնում է Իր աշակերտներին հեռու մնալ կեղծավորության խմորից, որը շատ աննկատ և արագ կերպով է վարակում մարդուն:
Տեր Հիսուս Քրիստոսն ապա կոչ է անում չվախենալ փարիսեցիներից և առհասարակ որևէ մեկից, որ կարող է միայն մարդու մարմինը սպանել, և հորդորում է վախենալ միայն Նրանից, Ով իշխանություն ունի նաև մարդու հոգու վրա:

 

1/1
1/1
30 Հոկտեմբեր Մաս 61

Ղուկասի Ավետարանի 11:45-54 համարներում ներկայացվում են օրենսգետներին հասցեագրված վայերը: Տեր Հիսուս Քրիստոսը դատապարտում է օրենսգետներին՝ մարդկանց ուսերին ծանր բեռներ դնելու և մատով անգամ այդ բեռներին չդիպչելու մեջ, մարգարեներին շիրիմներ պատրաստելու, բայց այդ մարգարեներին չընդունելու, գիտության բանալիները պահելու և արքայություն մտնելու հնարավորություն մարդկանց չտալու մեջ:

1/1
1/1
09 Հոկտեմբեր Մաս 60

Ղուկասի Ավետարանի 11.35-54 համարներում ներկայացվում են Տեր Հիսուս Քրիստոսի հասցեագրած վայերը փարիսեցիներին և օրենսգետներին: Փարիսեցիներին մեր Տերը մեղադրում է արտաքինին ներքինից ավելի մեծ ուշադրություն դարձնելու, ձևական մանր օրենքները պահելով`Աստծո Սերն ու Արդարությունն անտեսելու և ժողովարաններում պատվո աթոռները նախընտրելու ու հրապարակներում առաջին ողջույնը ստանալու համար: Նույն այս մեղադրանքներն այսօրվա բոլոր քրիստոնյաներին պետք է զգոն պահեն՝ նույն իրավիճակում չհայտնվելու համար:

 

1/1
1/1
02 Հոկտեմբեր Մաս 59

Հաղորդումը պատմում է Քրիստոսի մոր և եղբայրների մասին: Նրանք եկել էին Քրիստոսին հանդիպելու: Իսկ Քրիստոսն ասում է, որ Իր քույրերն ու եղբայրները և մայրը բոլոր նրանք են, ովքեր կկատարեն Իր Հոր կամքը, որ երկնքում է: Այս խոսքով մեզ՝ այսօրվա քրիստոնյաներիս, ամենամեծ խոստումներից մեկն է տրվում՝ Տեր Հիսուս Քրիստոսին եղբայր կամ քույր լինելու, մեր Փրկչի հետ հոգևոր ամենասերտ կապն ունենալու: Հաղորդման ընթացքում խոսվում է նաև այն մասին, թե ովքեր էին «Հիսուսի եղբայրներ» կոչվածները. արդյո՞ք Նրա հարազատ եղբայրներն էին, թե պարզապես ազգականներ կամ այլ անձինք:

 

1/1
1/1
25 Սեպտեմբեր Մաս 58

Հաղորդումը պատմում է այն մասին, թե ինչպես փարիսեցիներն ու օրենսգետները  Տեր Հիսուս Քրիստոսից խնդրեցին Աստծո Օծյալը Նրա լինելու փաստը հաստատող երկնային մի նշան: Զարմանալիորեն ո՛չ փարիսեցիների, ո՛չ օրենսգետների և ո՛չ էլ մնացած հրեաների համար բավական չէին Հիսուսի կատարած բոլոր մեծագործությունները: Ի պատասխան այդ հարցի՝ Հիսուսը սաստող տոնով ասում է, որ չար և շնացող այս ազգին այլ նշան չի տրվելու՝ բացի Հովնան մարգարեի և հարավի դշխոյի՝ Սաբայի թագուհու՝ Սողոմոն արքային այցելելու նշանից: Ի՞նչ խորհուրդ և պատգամ ունեն այս երկու պատմական օրինակները հրեաների և այսօրվա քրիստոնյաների համար: Այս և այլ հարցերի պատասխաններն են հնչում հաղորդման ընթացքում:

1/1
1/1
18 Սեպտեմբեր Մաս 57

Հաղորդման սկզբում մեկնաբանվում է Սուրբ Հոգու դեմ հայհոյանքի մասին Տեր Հիսուս Քրիստոսի կանխազգուշացումը: Սուրբ Հոգու դեմ հայհոյանքն Աստծո զորությամբ գործված գործերի մերժումն է կամ դրանց՝ այլ զորության վերագրումը: Սուրբ Հոգու դեմ հայհոյանքը նաև աստվածային շնորհի միջոցով փրկության հասնելու մերժումն է:
Հաղորդման երկրորդ մասում խոսվում է պիղծ ոգու վերադարձի մասին, երբ մարդը, որը մաքրվել է չար ոգուց, իր անգործության, առաքինություններից հեռու լինելու պատճառով դատապարտվում է պիղծ ոգու վերադարձին: Այս անգամ, սակայն, Ավետարանն ասում է, որ նույն այդ պիղծ ոգին վերադառնում է՝ իր հետ բերելով իր նման յոթ այլ դև ևս:

1/1
1/1
11 Սեպտեմբեր Մաս 56

Հաղորդման սկզբում անդրադարձ է կատարվում Ղուկ. 8:1-3 հատվածին, որտեղ պատմվում է Տեր Հիսուս Քրիստոսին հետևող և իրենց նյութական կարողությամբ Նրան ծառայող կանանց՝ Մարիամ Մագդաղենացու, Հովհաննայի և Շուշանի մասին:
Հաղորդման երկրորդ հատվածում ներկայացվում է Տեր Հիսուս Քրիստոսի կողմից համր և կույր դիվահար մարդու բժշկվելու պատմությունը: Այս դեպքն առիթ եղավ, որ Հիսուսին շրջապատող ժողովուրդը կասկածեր, թե արդյո՞ք դա է Դավթի Որդին՝ Քրիստոսը: Այս կասկածն ավելի խորացնելու նպատակով փարիսեցիներն ասում էին, թե Հիսուսը դևերի զորությամբ է նրանց հալածում: Այդ պնդումին Տեր Հիսուս Քրիստոսը պատասխանում է մի քանի փաստարկով, որոնց և անդրադառնում է այս հաղորդումը:

1/1
1/1
04 Սեպտեմբեր Մաս 55

Հաղորդումը պատմում է Սիմոն անունով մի փարիսեցու տանը տեղի ունեցած ուշագրավ դեպքի մասին, որը պահպանվել է միայն Ղուկասի Ավետարանում: Մեղավոր մի կին մոտենում է Հիսուսին և իր արցունքով թրջում Նրա ոտքերն ու իր մազերով չորացնում: Սիմոն փարիսեցին, տեղի ունեցածից զարմացած, մտքում խորհում է, որ եթե Հիսուսը մարգարե լիներ, ապա կիմանար, թե ով էր այդ կինը: Իսկ Հիսուսը, լավ իմանալով, թե այդ կինն ով էր, պարզապես Իր գթասրտությամբ նրան մեղքերը քավելու և մաքրվելու հնարավորություն էր տալիս:

1/1
1/1
31 Հուլիս Մաս 54

Նայինի այրու որդու հարությունից անմիջապես հետո Ղուկաս ավետարանիչը ներկայացնում է բանտարկված Հովհաննես Մկրտչին, որին նրա աշակերտները պարբերաբար տեղեկացնում էին արտաքին աշխարհի անցուդարձի մասին: Հովհաննեսը պատգամաբերներ է ուղարկում Հիսուսի մոտ և հարց ուղղում, թե արդյո՞ք Հիսուսն այն մեկն էր, որ պիտի գար, թե մեկ ուրիշի սպասեին: Հովհաննեսն այս հարցն ուղղում էր, որպեսզի իր աշակերտներն առիթ ունենային անձամբ տեսնելու և համոզվելու, որ Հիսուսն է խոստացված օծյալ փրկիչը: Քրիստոսը Հովհաննեսի աշակերտներին գործերով ու խոսքով պատասխանելուց հետո՝ երբ Հովհաննեսի աշակերտները մեկնում են, Ինքն է Իրեն շրջապատող լսարանին ներկայացնում Հովհաննես Մկրտչի ով լինելը:

 

1/1
1/1
24 Հուլիս Մաս 53

Հաղորդումն անդրադառնում է Ավետարանում Տեր Հիսուս Քրիստոսի կողմից գործված հարության առաջին դեպքին, որ տեղի ունեցավ Նային քաղաքում: Հիսուսը, մոտենալով քաղաքին, տեսնում է մարդկային ողբերգության ծայրաստիճան մի դրսևորում. այրին, որ վաղուց կորցրել էր իր կյանքի ընկերոջը՝ իր ամուսնուն, այժմ էլ վերջին ճանապարհն էր դնում իր միակ զավակին: Այս պատկերը չէր կարող չհուզել մեր Տիրոջը: Հիսուսը մոտենալով՝ ձեռքը դնում է տղայի դագաղի վրա ու հարություն պարգևում մ

1/1
1/1
17 Հուլիս մաս 52

Հաղորդումն անդրադառնում է Մատթեոսի և Ղուկասի Ավետարաններում պահպանված մի հրաշագործության պատմությանը՝ հռոմեացի հարյուրապետի ծառայի բժշկության մասին: Կափառնայում քաղաք մտնելիս հարյուրապետի ծառային բժշկելու համար Հիսուսին խնդրում են, ըստ Ղուկասի, հրեա ավագներն ու հարյուրապետի բարեկամները, իսկ, ըստ Մատթեոսի, հարյուրապետն ինքը: Հարյուրապետն իր խնդրանքով այնպիսի մեծ հավատք է ցուցաբերում, որը Հիսուսը չէր տեսել նույնիսկ հրեաների մեջ: Հիսուսը դատապարտում է հրեաներին՝ ասելով, որ այդ հարյուրապետի օրինակով շատ հեթանոսներ արևմուտքից և արևելքից կգան ու սեղան կնստեն Աստծո Արքայության մեջ, իսկ Արքայության զավակներ իրենց համարողներից շատերը դուրս կհանվեն Արքայությունից, և այնտեղ կլինի լաց ու ատամների կրճտում:

 

1/1
1/1
10 Հուլիս մաս 51

Հաղորդման ընթացքում անդրադարձ է կատարվում Լեռան քարոզի վերջավորությանը, որտեղ խոսվում է Աստծո կամքը կատարելու և երկու տները կառուցող մարդկանց մասին: Նրանք, ովքեր Աստծո անունն են տալիս, նույնիսկ այդ անվամբ զորավոր գործեր են անում, սակայն իրենք չեն կատարում Աստծո կամքը, տեղ չեն ունենա Երկնքի արքայության մեջ:
Նրանք, ովքեր կլսեն Աստծո խոսքն ու չեն կատարի այն, նման կլինեն ավազի վրա տուն կառուցող մարդուն, իսկ ովքեր կկատարեն, նման կլինեն ժայռի վրա տուն կառուցողին: Նրանք, ովքեր Աստծո խոսքը լսող ու կատարող կլինեն, կյանքի բոլոր դժվարությունները կհաղթահարեն հեշտությամբ:

1/1
1/1
03 Հուլիս (մաս 50)

Մատթեոսի Ավետարանի 7.12 համարը Տեր Հիսուս Քրիստոսի ուսուցումների գագաթնակետն է համարվում. «Այն ամենը, ինչ կկամենաք, որ մարդիկ ձեզ անեն, այդպես և դուք արեք նրանց, որովհետև այդ իսկ են Օրենքն ու մարգարեները»։ Ոսկե օրենքը լրումն ու կարծես թե եզրափակումն է ամբողջ Լեռան քարոզի: Մինչև Տեր Հիսուս Քրիստոսը շատերն են այս օրենքի նմանությամբ այլ պատգամներ տվել, բայց դրանք բոլորն անխտիր բացասական բնույթ են կրել. չանել այն, ինչ չես ուզում, որ քեզ անեն: Քրիստոնեական ընկալումը ոչ թե չանելու, այլ անելու, ոչ թե ժխտելու, այլ հաստատելու տարբերակն է ընդունում:
Հաղորդման ընթացքում անդրադարձ է արվում նաև երկու ճանապարհներով ընթանալուն և սուտ մարգարեներին:

 

1/1
1/1
26 Հունիս (մաս 49)

Հաղորդման ընթացքում ընթերցվում է Մատթեոսի Ավետարանի 7.1-11 հատվածը, որտեղ Քրիստոսն անդրադառնում է միմյանց չդատելուն և դատելու դեպքում էլ նույն դատաստանով դատվելու հարցին, սեփական աչքի գերանը տեսնելուն և միայն հետո՛ ուրիշի աչքի շյուղը հանելուն: Սա մի երևույթ է, որ հատուկ է հատկապես երկար տարիներ եկեղեցի հաճախողներին և իրենց գիտակ քրիստոնյա համարողներին: Այնինչ վերջիններս ավելի զգուշավոր պիտի լինեն դիմացինին դատելու կամ ընդհանրապես որևէ խորհուրդ տալու հարցում:
Հաղորդման մեջ անդրադարձ է արվում նաև աղոթքին, որը Քրիստոսը համեմատում է խնդրելու, փնտրելու և բախելու դեպքում Աստծուց ստանալու, գտնելու և բախողի առջև բացվելու հետ:

1/1
1/1
19 Հունիս (մաս 48)

Կյանքի, ուտել-խմելու մասին չմտահոգվելու համար Տեր Հիսուս Քրիստոսն օրինակ է բերում երկնքի թռչուններին, որ ոչ սերմանում են, ոչ հնձում, բայց մեր երկնավոր Տերը նրանց մասին հոգ է տանում: Սակայն կարևոր է հասկանալ, որ քրիստոնեությունը դեմ է ոչ թե կյանքի մասին պարզապես հոգ տանելուն ու մեր անելիքները ծրագրելուն, այլ չափազանց մտահոգությանն ու ապագայի համար անհանգստանալուն: Քրիստոնյան վստահ պիտի լինի, որ Աստված իր մասին հոգ է տանում: Հաղորդման ընթացքում խոսվում է նաև շքեղություններից, ճոխություններից հեռու մնալու և ժամանակակից աշխարհում տարածված մոլություններից մեկի՝ «շոփինգ»-ի կախվածությունից ազատվելու մասին:

 

1/1
1/1
12 Հունիս (մաս 47)

Տեր Հիսուս Քրիստոսը զգուշացնում է, որ մարմնի լուսավորությունն ուղղակիորեն կախված է նույն այդ մարմնի ճրագի՝ աչքի լուսավոր լինել-չլինելուց: Եվ ինչպես որ մարմնավոր աչքն է լուսավորում մարմինը, նույնպես և հոգևոր աչքն է, որ լուսավոր, պարզ, մաքուր կամ աղտոտ ու խավար է դարձնում հոգին:
Հաղորդման ընթացքում խոսվում է նաև երկու տիրոջ ծառայելու անկարելիության մասին: Աստված և մամոնա, հոգևոր բարոյական արժեքներ, հավիտենական կյանք և նյութական իրականություն, փող, հարստություն: Քրիստոնեությունը, չմերժելով հանդերձ հարստությունն ու նյութական արժեքները, զգուշացնում է, որ հանկարծ մեր հույսը չդնենք այդ հարստության վրա:

 

1/1
1/1
05 Հունիս Հոգևոր զրույցներ համատես Ավետարանների շուրջ (մաս 46)

Հաղորդման ընթացքում խոսվում է երկրավոր կյանքի համար անցողիկ գանձեր և երկնային կյանքի համար հավիտենական գանձեր դիզելու մասին: Տեր Հիսուս Քրիստոսը զգուշացնում է, որ ուր մեր գանձերն են, այնտեղ էլ մեր սրտերը կլինեն: Որո՞նք են երկնային գանձերը, ինչպե՞ս մնալ աշխարհի մեջ, առնչվել դրամի ու նյութական արժեքների հետ և չդառնալ դրանց գերին: Դե՞մ է արդյոք քրիստոնեությունը հարստությանը և նյութական բարիքներին, թե՞ ոչ:

 

1/1
1/1
22 Մայիս Հոգևոր զրույցներ համատես Ավետարանների շուրջ (մաս 45)

Հրեաները սովորություն ունեին երեք հիմնական առաքինությունները՝ ողորմությունը, աղոթքն ու ծոմապահությունը, ցուցադրաբար կատարելու: Երկուշաբթի և հինգշաբթի օրերին, երբ շուկա էր կազմակերպվում, փարիսեցիները ցուցադրաբար կանգնում էին հրապարակներում սպիտակեցրած երեսով՝ իբրև թե խիստ ծոմ են պահում, ցուցադրաբար ջուր կամ հաց էին գնում շրջիկ աղքատ վաճառականներից և տալիս էին ուրիշներին, իսկ տաճարում աղոթքի էին կանգնում այնպես, որ բոլորին տեսանելի լինեին: Այս ամենի դեմ էլ խոսում է Տեր Հիսուս Քրիստոսը Լեռան քարոզում:

1/1
1/1
15 Մայիս Հոգևոր զրույցներ համատես Ավետարանների շուրջ (մաս 44)

Հաղորդման ընթացքում խոսվում է Աստծուն ուղղված հերթական խնդրանքի մասին՝ փորձություններից հեռու պահելու վերաբերյալ: Հետաքրքրական է, բայց Ծննդոց գրքում մենք տեսնում ենք, որ Աստված փորձում է Աբրահամին, Ավետարանը մեզ պատմում է Տեր Հիսուս Քրիստոսի անապատում փորձվելու մասին, իսկ Հակոբոս առաքյալի ընդհանրական թղթում խոսվում է Աստծու՝ չարից չփորձվելու և ոչ ոքի նաև չփորձելու մասին: Ուրեմն ի՞նչ է փորձությունը, ո՞ւմ կողմից է գալիս, և ի՞նչ անել փորձությունների դեպքում:

1/1
1/1
08 Մայիս Հոգևոր զրույցներ համատես Ավետարանների շուրջ (մաս 43)

Հաղորդման ընթացքում խոսվում է Տերունական աղոթքի մեջ հիշվող միակ նյութական խնդրանքի՝ հանապազօրյա հացի մասին և այն մասին, որ մենք այդ հացը միայն մեզ համար չենք խնդրում, այլ նաև մեր եղբայրների ու քույրերի. չէ՞ որ Տերունական աղոթքը սկսում ենք «Հայր մե՛ր» ասելով: Հաղորդման ընթացքում անդրադարձ է կատարվում նաև մեր հանցանքների համար Աստծուց թողություն խնդրելուն՝ հիշեցնելով, որ մենք խնդրում ենք Աստծուն մեզ ներել այնպես, ինչպես որ մենք ենք ներում մեզ պարտք եղողներին:

1/1
1/1
01 Մայիս ԶՐՈՒՅՑՆԵՐ ՀԱՄԱՏԵՍ ԱՎԵՏԱՐԱՆՆԵՐԻ ՇՈՒՐՋ (ՄԱՍ 42)

Հաղորդման ընթացքում բացատրվում են Տերունական աղոթքի առաջին երեք խնդրանքները՝ Աստծո անվան սուրբ լինելու, Աստծո թագավորության գալու և աստվածային կամքի հաստատման վերաբերյալ: Անդրադարձ է արվում նաև Տերունական աղոթքի առաջին բառերին՝ «Հայր մեր»-ին, որով հստակ է դառնում, որ բոլոր մարդիկ նույն Աստծո արարչության մասն են և հավասար են իրար: Հաղորդման ընթացքում խոսվում է նաև համատես ավետարանիչների կողմից «Աստծո արքայություն» և «Երկնքի արքայություն» բառակապակցությունների կիրառման ու դրանց նշանակության մասին:

1/1
Էջ 1 2 3
Հետադարձ կապ
Փավստոս Բուզանդի փող., 1/3, Հայաստան 0010, Երեվան, Հեռ.՝ (+374 10) 54 88 70; (+374 10) 58 52 49