Հայ
LIVE
Ե
Ե
Չ
Հ
Ու
Շ
Կ
Հաղորդումներ
Երկուշաբթի 08:02, 20:02
Երեքշաբթի 08:02, 20:02
Չորեքշաբթի 08:02, 20:02
Հինգշաբթի 08:02, 20:02
Ուրբաթ 08:02, 20:02
Շաբաթ 08:02, 20:02
Կիրակի 08:02, 20:02
«Գանձասար» ռադիոհանդես (հայերեն)
Երկուշաբթի 14:02, 18:00
Երեքշաբթի 14:02, 18:00
Չորեքշաբթի 14:02, 18:00
Հինգշաբթի 14:02, 18:00
Ուրբաթ 14:02, 18:00
Շաբաթ 14:02, 18:00
Կիրակի 14:02, 18:00
«Գանձասար» ռադիոհանդես (ռուսերեն)
Աղոթքներ
Հինգշաբթի 10:00, 23:00
Կիրակի 23:00
Արվեստի երանգներ
Չորեքշաբթի 10:00, 23:00
Շաբաթ 13:00
Գրական ընտրանի
Երաժշտական ընտրանի
Ուրբաթ 10:00
Երաժշտական թատրոնի գոհարներ
Երեքշաբթի 10:00
Ուրբաթ 22:00
Շաբաթ 15:00
Համաշխարհային դասական երաժշտություն
Երկուշաբթի 10:00, 23:00
Շաբաթ 12։00
Հայ կոմպոզիտորներ և կատարողներ
Հինգշաբթի 11:00, 22:00
Շաբաթ 17։00
Հայկական վանքեր և սրբատեղիներ
Հարցեր քահանային
Հիշարժան օրեր և տարեթվեր
Չորեքշաբթի 12:02, 22:00
Շաբաթ 10:00
Հոգևոր զրույցներ
Երկուշաբթի 12:02, 22:00
Կիրակի 10:00
Հոգևոր զրույցներ համատես Ավետարանների շուրջ
Մեծ գաղափարներ
Երեքշաբթի 12:00, 23:00
Կիրակի 16:00
Մտորումներ
Կիրակի 13:00, 22:00
Սուրբ Գրքի ներածություն
Երեքշաբթի 11:00, 22:00
Կիրակի 15:00
Տաղարան
Մեդիա Հոդվածներ Հարցախաղ Արտադրանք «Վէմ» ակումբ
Տ. Մարկոս քհն. Մանգասարյան
Հաղորդման ժամանակացույց
Երկուշաբթի - 12:02, 22:00
Կիրակի - 10:00
Հոգևոր զրույցներ համատես Ավետարանների շուրջ

Բաժանորդագրվել
1/1
21 Հոկտեմբեր Վերջին դատաստանը

(Մատթ. 25.31-46)

Քրիստոսը պատմում է մեկ այլ առակ, որտեղ ներկայացվում է Վերջին դատաստանը: Դատաստանի ընթացքում բոլոր ազգերը կանգնելու են Տիրոջ առաջ, և Տերը նրանց բաժանելու է երկու մասի և կանգնեցնելու Իր աջում ու ձախում: Իսկ թե ինչպես է որոշվելու՝ ովքեր են աջում լինելու, ովքեր՝ ձախում, ներկայացված է առակում:

 

1/1
1/1
07 Հոկտեմբեր Երեք ծառաների առակը (Տասը մնասների առակը)

(Մատթ. 25.14-31, Ղուկ. 19.11-28)

Հաղորդումն անդրադառնում է հետաքրքրական մի առակի, որի հերոսները գումար էին ստացել իրենց տիրոջից և պարտավոր էին այդ գումարը գործածել շահույթ ստանալու համար: Նրանք, ովքեր հավելյալ գումար աշխատեցին, արժանացան գովասանքի, իսկ ով ոչինչ չէր վաստակել, վախենալով թե կկորցնի այդ գումարը՝ պատժվեց:
Նույնն է նաև հոգևոր կյանքում: Քրիստոնյան իր ստացած շնորհները պիտի կիրառի և նորերը ստանա, օգտակար լինի այլ մարդկանց, իսկ երբ Տիրոջից ստացածը չկիրառի, պիտի հիշի, որ այս առակն իր համար է պատմված:

 

1/1
1/1
16 Սեպտեմբեր Մահվան հանդեպ սարսափի մասին

Հաղորդման ընթացքում անդրադարձ է արվում մահվան հանդեպ վախին, երբ մարդ սարսափում է մահվան մտքից անգամ: Ինչպե՞ս հաղթահարել մահվան հանդեպ սարսափը, ինչո՞ւ է մարդու մեջ վախ առաջանում մահվան մտքից անգամ: Աղոթք, սուրբ Հաղորդություն և օրվա անելիքների հստակ ու ճիշտ ծրագրում. ահա՛ հիմնական միջոցները մահվան հանդեպ վախը հաղթահարելու համար:

 

1/1
1/1
29 Հուլիս Տասը կույսերը

(Մատթ. 25.1-13)

Տասը կույսերի առակը մեզ ներկայացվում է միայն Մատթեոսի Ավետարանում: Առակի համատեքստը հրեաներին քաջ հայտնի հարսանեկան արարողությունն է: Ինչպես երկրային կյանքում հարսանիքի ժամանակ փեսան գալիս էր անսպասելի կերպով, այդպես էլ լինելու է երկնքի արքայության վրա հասնելու ժամանակ. Փեսան գալու է անակնկալ և անսպասելի: Առակը պատգամում է արթուն լինել ու պատրաստ, որովհետև հայտնի չեն Քրիստոս փեսայի գալստյան ժամն ու օրը:

 

1/1
1/1
22 Հուլիս Ստամբուլյան կոնվենցիայի մասին

Հաղորդումն ամբողջությամբ անդրադառնում է վերջին շրջանում հայ հասարակությանը հետաքրքրող Ստամբուլյան կոնվենցիային: Ներկայացվում են կոնվենցիայում թաքնված վտանգները և թե ինչպիսի ազդեցություն կարող է այն ունենալ, եթե վավերացվի ՀՀ Ազգային ժողովի կողմից:

 

1/1
1/1
24 Հունիս Մարդու Որդու գալուստը, թզենու դասը, չսպասված օրը և ժամը, հավատարիմ և անհավատարիմ ծառաներ

(Մատթ. 24.29-31, 32-35, 36-44, 45-51, Մարկ. 13.24-27, 28-31, 32-37, Ղուկ. 21.25-28, 29-33, 17.26-30, 34-36, 12.41-48)

Մատթեոսի Ավետարանի 24-րդ գլուխն ամբողջությամբ նվիրված է քրիստոնեական վախճանաբանության կարևորագույն թեմաներին: Հաղորդումն անդրադառնում է դրանցից մի քանիսին՝ Մարդու Որդու գալստյանը, թզենու դասին, չսպասված օրվան ու ժամին և հավատարիմ ու անհավատարիմ ծառաների առակին:

 

1/1
1/1
17 Հունիս Մեծ սրբապղծությունը

(Մատթ. 24.15-28, Մարկ. 13.14-23, Ղուկ. 21.20-24)

Հաղորդման ընթացքում խոսվում է մեծ սրբապղծության մասին, որին անդրադարձել է դեռևս Դանիել մարգարեն: Սուրբ Գիրքը նախազգուշացնում է սուտ, կեղծ քրիստոսների ի հայտ գալու վերաբերյալ: Մարգարեական այս հատվածները, հետաքրքրական է, որ ունեին երկու իմաստ. դրանք ուղղակիորեն առնչվում էին ինչպես Քրիստոսի ժամանակներին, այնպես և մարգարեություններ էին՝ ուղղված ապագային:

 

1/1
1/1
10 Հունիս Կանխասացություն տաճարի կործանման մասին, սկիզբն երկանց

(Մատթ. 24.1-3, 4-14, Մարկ. 13.1-3, 4-13, Ղուկ. 21.5-7, 21.7-19)

Քրիստոսը մարգարեանում է Երուսաղեմի տաճարի կործանման մասին, որին ի պատասխան՝ աշակերտները հարցնում են, թե երբ պիտի լինի այդ կամ երբ պիտի լինեն Տիրոջ գալուստը և աշխարհի վախճանը:
Համատես ավետարանիչները ներկայացնում են բոլոր այն իրադարձությունները, որոնք նախորդելու են աշխարհի վախճանին՝ կեղծ քրիստոսների ու մարգարեների առաջ գալը, պատերազմների լուրերն ու պատերազմները, ազգերի միմյանց հանդեպ թշնամանալը, քրիստոնյաների մատնությունները, հալածանքները` հանուն Հիսուս Քրիստոսի, գայթակղությունների շատանալը և այլն, և այլն:

 

1/1
1/1
20 Մայիս Ոճիր և պատիժ. ողբ Երուսաղեմի

(Մատթ. 23.33-36, 37-39, Ղուկ. 13.34-55)

Միայն Մատթեոս Ավետարանչի մոտ պահված մի փոքրիկ հատվածում է Տեր Հիսուս Քրիստոսը դատապարտող խոսքեր ասում հրեաներին` իրենց մոտ ուղարկված մարգարեներին, իմաստուններին և օրենսգետներին հալածելու, չարչարելու և սպանելու համար:
Երուսաղեմի ողբն էլ մարգարեացումն է Երուսաղեմի կործանման: Ի՞նչ նպատակով է ներկայացվում այս ամենը Մատթեոս Ավետարանչի կողմից և ի՞նչ խրատ ու պատգամ ունի մեզ` այսօրվա քրիստոնյաներիս համար:

 

1/1
1/1
29 Ապրիլ Օրենսգետների և փարիսեցիների կեղծավորության դատապարտումը

(Մատթ. 23.13-32)

Հաղորդման ընթացքում անդրադարձ է արվում Մատթեոսի Ավետարանի 23-րդ գլխում զետեղված վայերին: Յոթ վայերից բաղկացած այս շարքն ընդհանուր առմամբ ներկայացնում է ինչպես հրեա փարիսեցիների և օրենսգետների կեղծավորությունը, այնպես և բոլոր ժամանակների քրիստոնյաների հիմնական թերացումները, հատկապես նրանց, ովքեր իրենց համարում են իսկապես հավատքով ապրող մարդիկ:

1/1
1/1
22 Ապրիլ Օրենսգետների և փարիսեցիների կեղծավորության դատապարտումը

(Մատթ. 23.6-12, Մարկ. 12.38-42, Ղուկ. 20.45-47)

Քրիստոսն ուսուցանում է ոչ ոքի ուսուցիչ չկոչել և չկոչվել, քանզի բոլորի ուսուցիչը մեկն է: Նույնպես և արգելում է որևէ մեկին հայր անվանել: Ո՞րն է այս պատգամների իմաստը: Ի՞նչ նկատի ունի Քրիստոսը, և ի՞նչ իմաստով ենք մենք այս կոչումները կիրառում, երբ օգտագործում ենք մարդկանց դիմելիս:

 

1/1
1/1
15 Ապրիլ Քրիստոս Որդի և Տեր Դավթի. օրենսգետների և փարիսեցիների կեղծավորության դատապարտումը

(Մատթ. 22.41-46, 23.1-5, Մարկ. 12.35-37, 38-42, Ղուկ. 20.41-44, 45-47)

Հաղորդման ընթացքում անդրադարձ է արվում Փրկչի տիտղոսներից մեկին` Դավթի Որդուն, և այն հարցին, թե ինչպես էր Դավիթ թագավորն իրենից սերող Մեսիային «Տեր» կոչում:
Հաղորդման երկրորդ մասը փարիսեցիների և օրենսգետների ուսուցումները լսելու և պահելու, բայց նրանց գործած գործերին, նրանց ապրած կյանքին չնայելու վերաբերյալ ուսուցման մասին է:

 

1/1
1/1
08 Ապրիլ Ամենամեծ պատվիրանը, Բարի սամարացու առակը

(Մատթ. 22.34-40, Մարկ. 12.28-38, Ղուկ. 10.25-37)

Օրենսգետը Տեր Հիսուս Քրիստոսին հարցնում է, թե ո՛րն է ամենամեծ պատվիրանը կամ ինչպե՛ս կարելի է հասնել Աստծո Արքայությանը: Պատասխանը, բնականաբար, գիտեր նաև հարցը տվողը` պետք է սիրես քո Տեր Աստծուն քո ամբողջ սրտով, հոգով ու զորությամբ և պետք է նույն կերպ սիրես քո ընկերոջը: Հարցը տվողն ինքն իրեն արդարացնելու համար երկրորդ հարցն էլ է տալիս, թե ո՛վ է  այդ դեպքում ընկերը: Ահա այս հարցի պատասխանից էլ ծնվում է Բարի սամարացու առակը։

 

1/1
1/1
25 Մարտ Հարց մեռելների հարության մասին

(Մատթ. 22.23-33, Մարկ. 12.18-27, Ղուկ. 20.27-40)

Հաղորդման ընթացքում անդրադարձ է արվում մեռելների հարությանը: Սադուկեցիները չէին հավատում, որ կա հարություն, և այս պատճառով էլ հարցնում են Հիսուսին, թե արդյոք յոթ եղբայրներից ո՞ր մեկի կինը կլինի նա, ում հետ այս յոթն էլ հերթականությամբ ամուսնացել էին: Հրեական օրենքի համաձայն, երբ մի եղբայր ամուսնանում և առանց ժառանգ թողնելու մահանում էր, նրա կնոջը կնության պիտի առներ փոքր եղբայրը:

 

1/1
1/1
18 Մարտ Կայսրին տրվելիք տուրքը

(Մատթ. 22.15-22, Մարկ. 12.13-17, Ղուկ. 20.20-26)

Փարիսեցիներն ու հերովդեսականները Տեր Հիսուս Քրիստոսին փորձում են` հարցնելով, թե օրինավո՞ր է հարկ տալ կայսրին: Մովսիսական օրենքի համաձայն՝ կռապաշտ թագավորին հարկ տալ չէր կարելի: Եթե Քրիստոսն ասեր՝ այո, կարելի է հարկ տալ, հակառակված կլիներ Օրենքին, իսկ եթե հակառակվեր հարկ տալու մտքին, ապա Նրան՝ իբրև կայսրին դեմ գործողի, կներկայացնեին հռոմեական կուսակալին։

 

1/1
1/1
11 Մարտ Դաս խնջույքի հրավիրվածներին. Հարսանեկան խրախճանքի առակը

(Մատթ. 22.1-14, Ղուկ. 14.7-24)

Հիսուսը խրատում է խնջույքի հրավիրվածներին պատվո տեղերը չզբաղեցնել, այլ խոնարհություն ցուցաբերել: Նաև պատվիրում է ընթրիք տալ, հաց տալ ոչ թե բարեկամներին ու հարուստներին, այլ աղքատ և անծանոթ մարդկանց:
Հաղորդման երկրորդ մասում խոսվում է հարսանեկան խրախճանքի առակի մասին: Առակում նախապես հարսանիքի խնջույքին մասնակցելու համաձայնություն հայտնած անձինք հրաժարվում են խնջույքի օրը ներկայանալուց:
Մենք էլ հրավեր ունենք Տիրոջ կողմից Երկնքի արքայության մեջ սեղան նստելու: Արդյոք այդ հրավերին ինչպե՞ս ենք արձագանքում և պատրաստվում:

 

1/1
1/1
18 Փետրվար Առակ երկու որդիների մասին, Չար մշակների առակը

(Մատթ. 21.28-32; 21.33-46, Մարկ. 12.1-12, Ղուկ. 20.9-19)

Հաղորդման առաջին մասում անդրադարձ է արվում Երկու որդիների առակին: Առակում մի որդին խոստանում է գնալ և աշխատել այգում, սակայն չի գնում, իսկ մյուս որդին սկզբում հրաժարվում է, բայց ի վերջո զղջալով գնում և աշխատում է:
Երկրորդ առակը չար մշակների մասին է։ Մշակներին վարձով տրվել էին ցանկապատված այգին, հնձանը, աշտարակը: Մշակները պարտավոր էին պտղի մի մասը հանձնել այգու տիրոջը, բայց համառորեն չէին հանձնում և նույնիսկ սպանեցին այգու տիրոջ միակ որդուն:
Առակի վերջում Քրիստոսն Ինքն Իրեն նույնացնում է վեմի հետ, որն անարգել էին բոլոր շինարարները, այնինչ այդ քարն անկյունաքար էր դառնալու ողջ շինության համար:

 

1/1
1/1
11 Փետրվար Հարց Հիսուսին Նրա իշխանության մասին

(Մատթ. 21.23-27, Մարկ. 11.27-33, Ղուկ. 20.1-8)

Աղավնեվաճառների և լումայափոխների սեղանները շուռ տալուց և Տաճարում քարոզելուց կարճ ժամանակ հետո Տեր Հիսուս Քրիստոսին հարց են տալիս Նրա իշխանության մասին: Հարցին Քրիստոսը չի պատասխանում, այլ փոխարենը մեկ ուրիշ հարց տալիս` թե արդյոք Հովհաննեսի մկրտությունը մարդկանցի՞ց էր, թե՞ երկնքից: Եթե փարիսեցիներն ասեին, որ երկնքից էր, ապա պիտի հետևեր Հիսուսի հարցը, թե այդ դեպքում ինչո՞ւ չհավատացիք նրան. իսկ եթե ասեին՝ մարդկանցից էր, ապա հենց նույն այդ մարդկանցից էին վախենում, քանի որ վերջիններս Հովհաննեսին իբրև մարգարե էին ընդունում:

 

1/1
1/1
04 Փետրվար Անպտուղ թզենին

(Մատթ. 21.18-22, Մարկ. 11.13-14, 20-25)

Հաղորդումը ներկայացնում է անպտուղ թզենու պատմությունը: Թզենին ճոխ տեսք ուներ, փարթամ տերևներ, սակայն պտուղ չուներ: Իսկ Քրիստոսը քաղցած էր և պտուղ չգտավ թզենու վրա: Սա էլ պատճառ եղավ թզենու չորացման: Թզենին մի ողջ ժողովրդի խորհրդանիշ էր, թզենին հրեա ժողովուրդն էր: Թզենու օրինակը, սակայն, մեզանից յուրաքանչյուրին նաև անձնապես է վերաբերում: Յուրաքանչյուր քրիստոնյա պիտի նայի թզենու օրինակին ու պտուղ տալու համար առաջին քայլն անի` ների բոլոր նրանց, ովքեր իր հանդեպ մեղք, սխալ են գործել:

 

1/1
1/1
28 Հունվար Տաճարում վաճառք անողների վտարումը

(Մատթ. 21.9-17, Մարկ. 11.15-19, Ղուկ. 19.45-48)

Երուսաղեմ մտնելուց հետո Տեր Հիսուս Քրիստոսը գալիս է Տաճար և դուրս հանում լումայափոխներին ու աղավնեվաճառներին: Վկայակոչելով Եսայի 56.7 համարը՝ Հիսուսն ասում է, որ Տիրոջ տունն աղոթքի տուն պիտի լինի և ոչ թե ավազակների որջ:
Սրանից հետո Քրիստոսին են մոտենում կույրեր ու կաղեր, և Տերը բժշկում է նրանց: Իսկ մանուկներն օրհնաբանում են մեր Տիրոջն՝ ասելով. «Օրհնյալ է Դավթի Որդին»: Այս խոսքով էլ իրականություն է դառնում Սաղմոսաց գրքի մարգարեությունը (Սաղմ. 8.3):

 

1/1
1/1
21 Հունվար Հիսուսի մուտքը Երուսաղեմ

(Մատթ. 21.1-11, Մարկ. 11.1-11, Ղուկ. 19.28-40)

Հիսուսի կյանքի վերջին շաբաթը սկսվում է Երուսաղեմ մուտք գործելով: Մեր Տերը Երուսաղեմ մտավ իբրև սիրո և խաղաղության ավետաբեր թագավոր: Հակառակ ամբոխի սպասումների՝ Քրիստոս Մեսիան  չեղավ ռազմական այն գործիչը, որը պիտի զորավոր իշխանության հասցներ հրեաներին, այլ խոնարհաբար եկավ Երուսաղեմ մարդկության փրկության համար զոհաբերվելու:

1/1
1/1
14 Հունվար Երիքովի երկու կույրերի բժշկումը

(Մատթ. 20.29-34, Մարկ. 10.46-52, Ղուկ. 18.35-43)


Հաղորդումը ներկայացնում է Երիքովի մոտակայքում մուրացկանություն անող երկու կույրերի: Մարկոսը և Ղուկասը, սակայն, խոսում են մեկ կույրի մասին: Այս կույրը կամ կույրերը հավատով դիմում են Հիսուս Նազովրեցուն և անմիջապես բժշկվում են: Տեսողության վերականգնումից հետո նրանք գնում են Հիսուսի հետևից՝ դառնալով Նրա հետևորդ:

1/1
1/1
07 Հունվար Կրկին կանխասացություն. Հակոբոսի և Հովհաննեսի մոր խնդրանքը

(Մատթ. 20.17-19, Մարկ. 10.32-34, Ղուկ. 18.31-34, Մատթ. 20.20-28, Մարկ. 10.35-45)

Քրիստոսը Երուսաղեմի ճանապարհին երրորդ անգամ է մարգարեանում և կանխասացություն անում Իր մատնության, չարչարանքների, մահվան և հարության մասին: Այս հատվածին անմիջապես հաջորդում է վախվորած, զարմացած առաքյալներից երկուսի` Հովհաննեսի և Հակոբոսի մոր խնդրանքը, որով կամենում էր, որ իր որդիները Քրիստոսի աջ ու ձախ կողմերում նստեն: Քրիստոսը պատասխանում է և առաքյալներին ներկայացնում ծառայության վերաբերյալ քրիստոնեական ճշմարիտ ընկալումը՝ առաջին լինելու համար լինել վերջին, տեր լինելու համար լինել ծառա ու սպասավոր:

 

1/1
1/1
10 Դեկտեմբեր Մշակների առակը

(Մատթ. 20.1-16)

Տեր Հիսուս Քրիստոսը մշակների առակով ներկայացնում է մի հոգևոր ճշմարտություն, որի հետ բոլոր քրիստոնյաները հաշվի պիտի նստեն: Օրվա տարբեր ժամերին աշխատանքի անցած մարդիկ վարձ ստացան հավասարապես: Եվ նրանք, ովքեր շատ էին աշխատել և քիչ աշխատածների հետ հավասար վարձ ստացան, ընդվզեցին: Սակայն այգու տերը հակադարձեց այս մարդկանց և ասաց, որ ինքը նրանց չի զրկել, նրանց խոստացածը տվել է և իր ունեցվածքի հետ կարող է վարվել այնպես, ինչպես կամենա:

 

1/1
Էջ 1 2 3 4 5
Հետադարձ կապ
Փավստոս Բուզանդի փող., 1/3, Հայաստան 0010, Երեվան, Հեռ.՝ (+374 10) 54 88 70; (+374 10) 58 52 49