Հաղորդումներ 
Շաբաթ - 17։00
Դարերի ընթացքում հայկական վանքերը մեծ դեր են խաղացել հայ ժողովրդի հոգևոր, մշակութային ու քաղաքական կյանքում: Այս սրբավայրերը հայտնի են որպես ոչ միայն աղոթքի, այլև գիտության ու գրչության կենտրոններ, որտեղ գրվել և հետագա սերունդներին են փոխանցվել բազմաթիվ ինքնուրույն և թարգմանական երկեր: Եկեղեցական համալիրներից շատերը հայ հին ու միջնադարյան ճարտարապետության հոյակերտ ու անկրկնելի նմուշներ են:
Գնդեվանքը գտնվում է ՀՀ Վայոց ձորի մարզի Գնդեվազ գյուղի մոտակայքում: Ըստ տեղեկությունների` Գնդեվանքը հիմնադրվել է 10-րդ դարում Սյունյաց Սոփիա իշխանուհու կողմից:
Ծիծեռնավանքը գտնվում է Մեծ Հայքի Սյունիք նահանգի Աղահեջք գավառում, այժմ` Լեռնային Ղարաբաղի Հանրապետության Քաշաթաղի շրջանում: Ծիծեռնավանքը դասվում է 13-րդ դարի Սյունյաց նշանավոր վանքերի թվին:
Կիրանց վանքը գտնվում է ՀՀ Տավուշի մարզի Կիրանց գյուղից մոտ 12 կմ արևմուտք, Ոսկեպար գետակի վտակ Կումենի ձախ աձին, գեղատեսիլ անտառապատ հարթավայրում: Կիրանց վանքի համալիրը հիմնադրվել է 13-րդ դարում:
Էջմիածնի Մայր տաճարը Ամենայն հայոց կաթողիկոսության կենտրոնն է: Ագաթանգեղոսի վկայությամբ` այն հիմնադրել է սբ Գրիգոր Լուսավորիչը` Տրդատ 3-րդ թագավորի օժանդակությամբ, 302-303 թվականներին, Հայաստանի մայրաքաղաք Վաղարշապատում՝ արքունի ապարանքի մոտ:
Քոբայրավանքը կամ Քոբայրի վանքը գտնվում է ՀՀ Լոռու մարզում՝ Քոբեր երկաթուղային կայարանից արևմուտք, Դեբեդ գետի ձորալանջին: Քոբայրավանքը եղել է հյուսիսային Հայաստանի գրչության, հոգևոր ու մշակութային նշանավոր կենտրոն:
Ապրակունիսի Սուրբ Կարապետ վանքը գտնվում էր Մեծ Հայքի Սյունիք նահանգում՝ Երնջակ գետի աջ ափին, Ապրակունիս գյուղի մոտակայքում (այսօր՝ Նախիջևանի Ինքնավար Հանրապետության Ջուղայի շրջան)։ Վանքը հիմնադրվել է Մաղաքիա Ղրիմեցի վարդապետի կողմից 1381-ին։
Տեկորի Սուրբ Երրորդություն վանքը կամ Տեկորի տաճարը գտնվել է Անիից 20 կմ հարավ-արևմուտք, Ախուրյանի վտակ Տեկորի աջ ափին: Ըստ շինարարական արձանագրության՝ Տեկորի Սուրբ Երրորդություն վանքի եկեղեցին 5-րդ դարի վերջին քառորդում կառուցել է իշխան Սահակ Կամսարականը:
Խոր Վիրապի վանքը (նաեւ՝ Խոր Վիրապ կամ Վիրապ) գտնվում է Մեծ Հայքի Այրարատ նահանգի Ոստան գավառում, Արաքս գետի ձախ ափին, պատմական Արտաշատ քաղաքի բլուրներից մեկի լանջին, այժմ՝ ՀՀ-ի Լուսառատ գիւղից հարաւ-արևմուտք: Այս վանքը հայոց նվիրական սրբավայրերից է, հանրահայտ ուխտատեղի: Խոր Վիրապի պատմությունը սերտորեն առնչվում է հայոց դարձի, քրիստոնյա Հայաստանի կրոնական, կրթական, մշակութային զարգացման ողջ ընթացքի հետ:
Երևանի Անանիա առաքյալի անապատի Զորավոր Սուրբ Աստվածածին եկեղեցին գտնվում է հին Երևանի Շահար քաղաքամասի հյուսիսային կողմի այգեստանում: 17-րդ դարի առաջին քառորդում Մովսես վարդապետը` ապագա սբ. Մովսես Գ Տաթևացի կաթողիկոսը, սուրբ Անանիայի գերեզմանի մատուռի շուրջ հիմնել է անապատ և կառուցել պարիսպներով շրջապատված համալիր:
Կապուտկողի Սուրբ Հակոբ վանքը հայտնի է նաև Ընձաքարի վանք անունով: Այն գտնվել է Մեծ Հայքի Վասպուրական նահանգում, Կապուտկող լեռան լանջին: Վանքը նուիրվել է Հակոբ Մծբնա հայրապետին: Ըստ աւանդության` հիմնադրվել է 4-րդ դարում:
Տաթևի Մեծ անապատը գտնվում է ՀՀ Սյունիքի մարզի Տաթև գյուղից հարավ-արևելք, Որոտան գետի աջ ափին, Տաթև սարի ստորոտին: Այս համալիրը կառուցվել է 17-րդ դարի երկրորդ կեսին և 18-րդ դարում լրացվել որոշ շինություններով:
Սաղմոսավանքը գտնվում է ՀՀ Արագածոտնի մարզի Սաղմոսավան գյուղի արևելյան կողմում՝ Քասախ գետի աջ ափին, կիրճի եզրին: Ըստ ավանդության՝ վանքը հիմնել է Գրիգոր Լուսավորիչը:
Գոշավանքը կամ Նոր Գետիկ վանքը գտնվում է ՀՀ Տավուշի մարզի Գոշ գյուղի եզրին` Գետիկ գետի աջ ափին: Եղել է միջնադարյան կրոնական, կրթական և մշակութային խոշոր կենտրոններից մեկը Հայաստանում:
Հաղորդման ընթացքում մեկնաբանվում է «վանք» հասկացությունը` ամենալայն առումով: Խոսվում է նաև վանական շարժման, վանականների, վանական համալիրների մասին և այլն:
