Հաղորդումը անդրադառնում է հայ և ֆրանսիացի ժողովուրդների դարավոր բարեկամությանը:

Հաղորդումն ուրվագծում է Կոմիտասի կյանքի և ստեղծագործության ուղին, նրա առաքելությունը հայ ազգային երաժշտության բյուրեղացման և հաստատման գործում:

Հաղորդման ընթացքում վերլուծվում է Սիրիլ Սկոտի համանուն դաշնամուրային պիեսը, ներկայացվում են բնօրինակը և փոխադրությունը ջութակի և դաշնամուրի համար:

Հաղորդման ընթացքում ուրվագծվում է ջութակահար Ռուբեն Ահարոնյանի՝ որպես մարդու և արվեստագետի, կերպարը:

Հաղորդման հեղինակը վերլուծում, հիմնավորում  և առաջարկում է Խորհրդային Հայաստանի՝ Արամ Խաչատրյանի հեղինակած օրհներգը վերականգնել՝ անշուշտ նորացված բանաստեղծական տեքստով:

Հաղորդման մեջ զուգահեռներ են անցկացվում տարբեր կոմպոզիտորների կողմից Գյոթեի «Վարդը» բանաստեղծության հիման վրա գրված երգերի, մեկնաբանությունների միջև:

Հաղորդման 2-րդ մասը ներկայացնում է Ա. Սպենդիարյանի, Ա. Բաբաջանյանի, Ա. Հարությունյանի և այլոց մոտեցումները աշուղական երգի մեկնաբանման, մշակման խնդրին:

Հաղորդման 1-ին մասը ներկայացնում է աշուղական երգի բազմաձայնման առաջին քայլերը և ներմուծումը հայ կոմպոզիտորների արվեստ:

Հաղորդման ընթացքում Դանիել Երաժիշտն անդրադառնում է արվեստագիտության դոկտոր Մհեր Նավոյանի՝ հայ հոգևոր երգարվեստին նվիրված դասախոսությանը, որը տեղի է ունեցել «Գեղարդ» երգեցիկ խմբի համերգին:

Հաղորդումը ներկայացնում է Ժան Տեր- Մերկերյանին, որը հայ ջութակահարներից առաջինն է, որ արժանացել է միջազգային մրցույթի դափնեկրի կոչման:

Հաղորդումը նվիրված է Մեդեա Աբրահամյանին, որը հայ թավջութակահարներից առաջինն է, որ արժանացել է միջազգային մրցույթի դափնեկրի կոչման:

Հաղորդումը նվիրված է միջազգային մրցույթների առաջին հայ ֆագոտահար մասնակից  Աշոտ Աբաջյանին:

Հաղորդումը նվիրված է Լյուդվիգ վան Բեթհովենի 4-րդ կվարտետին, որն արտահայտում է կոմպոզիտորի արվեստի հիմնական գաղափարներից մեկը՝ «խավարից դեպի լույս»։

Հրաշամանուկներին նվիրված հաղորդաշարի երրորդ մասը ներկայացնում է ջութակահարներ Յաշա Հայֆեցին, Յոզեֆ Սիգետիիին, երգեհոնահար Հելմուտ Վալխային, դաշնակահարներ Գրիգորի Սոկոլովին, Դիմիտրիս Սգուրոսին և այլ հրաշամանուկների:

Հրաշամանուկներին նվիրված հաղորդաշարի երկրորդ մասն անդրադառնում է դաշնակահարուհի Կատյա Նովիցկայայի, ջութակահար Ջոշուա Բելի, շախմատիստներ Հուդիթ, Սոֆյա և Սյուզան Պոլգարների նվաճումներին:

Հրաշամանուկներին նվիրված հաղորդաշարի առաջին մասը ներկայացնում է Կոմիտասի, ջութակահարներ Յեհուդի Մենուհինի և Ժինետ Նեվյոյի, երգիչներ Պետեր Շրայերի և Ռոբերտինո Լորետիի գեղարվեստական մեծագործությունները:

Հաղորդումը ներկայացնում է Դավթի սաղմոսների գիրքը։ Սաղմոսարանում ընդգրկված են 151 սաղմոսներ, որոնցից 150-ը կանոնական են, իսկ վերջինը՝ երկրորդականոն։ «Սաղմոսարանը» նշանակում է և սաղմոսների ժողովածու, և սաղմոսներ երգելու նվագարան։ Հաղորդման ընթացքում հնչում են համաշխարհային կոմպոզիտորների՝ սաղմոսների խոսքերի հիման վրա գրված ստեղծագործություններ:

Հաղորդման մեջ զուգահեռ է անցկացվում Մոցարտի «Մանուշակ» երգի և այլ կոմպոզիտորների համանուն երգերի միջև:

Հաղորդման 2-րդ մասում արծարծվում են «Երաժշտական ընծա» շարքի վերծանման և մեկնաբանման խնդիրները:

Հաղորդման 1-ին մասը նվիրված է «Երաժշտական ընծա» շարքի ստեղծման պատմությանը և գործիքավորման հարցերին:

Հաղորդումն անդրադառնում է Գրիգոր Նարեկացու «Մատյան ողբերգության» աղոթագրքի՝ Սայաթ-Նովայի ձեռքով ընդօրինակմանը և մեծ աշուղի պոեզիայի վրա «Մատյանի» ազդեցությանը։

Հաղորդման ընթացքում արծարծվում են երաժշտական և բանաստեղծական կերպարների համապատասխանության, նույնականության խնդիրները։

Հաղորդման 2-րդ մասում մեջբերվում են Շարլ Բոդլերի հիացական նամակը, պոետի հոդվածը, ինչպես նաև Վագների և Նիցշեի նամակներն ու մի դրվագ Բոդլերի «Չարի ծաղիկներից», որոնք մի քանի նրբագիծ ևս ավելացնում են Վագների ստեղծագործական դիմանկարին:

Հաղորդման առաջին մասը լուսաբանում է կոմպոզիտորի նորարարությունն օպերային արվեստում և դեպի Բայրոյթի թատրոնի բարձունքները տանող փշոտ ճանապարհը: