Հաղորդումը նվիրված է անվանի դիրիժոր Օհան Դուրյանի վերադարձին Հայաստան` հայ ժողովրդի ազգային ազատագրական պայքարի Արցախյան շարժման օրերին: Հաղորդումը անդրադառնում է նաև մաեստրոյի հոբելյանական համերգին: 

Հաղորդումը ներկայացնում է Ժան Տեր-Մերկերյանի հիշատակին նվիրված համերգի առաջին մասը: 

Հաղորդման ընթացքում զուգահեռներ են տարվում «Ողջույն, աստղ ծովի» գրիգորյան միաձայն խորալի, Գիյոմ Դուֆայիի համանուն բազմաձայն մոտետի և Յան Գարբարեկի իմպրովիզացիայով տարբերակի միջև: 

Հաղորդումը զուգահեռ է անցկացնում Մենդելսոնի և Խաչատրյանի միջև, կոմպոզիտորներ, որոնց արվեստը տարբեր քաղաքակրթությունների արդյունք է: Մենդելսոնը հրաշամանուկ է, իսկ Խաչատրյանը լրջորեն սկսել է զբաղվել երաժշտությամբ 19 տարեկանից: Հատկանշական է, որ երկուսն էլ այցելել են արվեստագետների ներշնչանքի աղբյուր հանդիսացող Իտալիա։ Խաչատրյանը ստեղծեց իր «Սպարտակ» ողբերգական բալետը, մինչդեռ Մենդելսոնը` իր արևաշող «Իտալական սիմֆոնիան»: Այնուամենայնիվ, ընդհանուրը նրանց միջև այն է, որ երկուսն էլ ստեղծել են համայն մարդկության արվեստի կոթողներ:

Հաղորդման ընթացքում զուգահեռներ են տարվում «O Salutaris hostia» («Ով Փրկիչ պատարագյալ») գրիգորյան միաձայն խորալի, Պիեր դը լա Ռյուի համանուն բազմաձայն մոտետի և Յան Գարբարեկի իմպրովիզացիայով տարբերակի միջև:

Հաղորդումը նվիրված է ֆրանսիացի մեծ շախմատիստ և կոմպոզիտոր Անդրե Դանիկան Ֆիլիդորին:

Հաղորդումը ներկայացնում է «Հիլիարդ» անսամբլի և սաքսոֆոնահար Յան Գարբարեկի համագործակցությունը։ Հնչում է նաև Քրիստոբալ դե Մորալեսի «Ողորմյա ինձ» խմբերգը, որտեղ Գարբարեկը հանդես է գալիս տարբեր իմպրովիզացիաներով:

Հաղորդման 3-րդ մասը անդրադառնում է Յոժեֆ Սիգետիին, Գրիգորի Սոկոլովին, Դիմիտրիս Սգուրոսին, Նաթան Միլշտեյնին, Հելմուտ Վալխային, Իցխակ Պերլմանին։

Հաղորդման 2-րդ մասը անդրադառնում է Եկատերինա Նովիցկայային և Ջոշուա Բելին:

Հաղորդման 1-ին մասը անդրադառնում է Եհուդի Մենուհինին, Բրանիսլավ Հուբերմանին, Ռոբերտինո Լորետիին, Պետեր Շրայերին եւ Կոմիտասին:

Հաղորդումը ներկայացնում է Դավթի 50(51)-րդ սաղմոսի արձագանքը Մաշտոցի շարականներում, Գրեգորիո Ալլեգրիի, Մոցարտի և այլոց արվեստում:

Նշանավոր գերմանացի երգեհոնահար Հելմուտ Վալխայի կյանքը ոգու հաղթանակն է նյութի հանդեպ: Կուրանալուց առաջ անգիր էր սովորում ու հիշողության մեջ կուտակում Բախի ստեղծագործությունները: Այդ կերպ Հելմուտ Վալխան փորձում էր պահել մայր մտնող արևը: Հաղորդումն անդրադառնում է երաժշտի կյանքին:

Հաղորդումը նվիրված է գերմանական լուսավորչության ռահվիրա, երաժշտարվեստը ժողովրդայնացնելու և ավելի մատչելի դարձնելու հավատամքով լեցուն կոմպոզիտորի կյանքին և գործունեությանը:

Հաղորդման ընթացքում զուգահեռներ են անցկացվում Բրամսի ստեղծագործությունների տարբեր մեկնաբանությունների միջև:

Հաղորդումը նվիրված է գերմանացի հանճարեղ կոմպոզիտոր Յոհան Սեբաստիան Բախի կյանքին և ստեղծագործությանը:

Հաղորդման ընթացքում ներկայացվում են Բախի ստեղծագործությունների տեմպային տարբեր մեկնաբանությունները` Ռիխտերի, Գուլդի, Ֆիշերի, Ֆայնբերգի և Վանդա Լանդովսկայի կողմից: 

Հաղորդման ընթացքում զուգահեռներ են անցկացվում Բախի, Կոմիտասի, Տիգրան Մանսուրյանի, Էդգար Հովհաննիսյանի և Սայաթ-Նովայի երկերի տարբեր մշակումների և կատարումների միջև: 

Հաղորդման առաջին մասը նվիրված է Բախի դաշնամուրային առաջին կոնցերտի հակոտնյա մեկնաբանություններին` Էդվին Ֆիշերի և Գլեն Գուլդի կողմից: 

Հաղորդումը լուսաբանում է Շեսքսպիրի «Համլետ» ողբերգության յուրահատկությունը և արտացոլումը Չայկովսկու համանուն նախերգանքում:

Հաղորդումը նվիրված է ավստրիացի կոմպոզիտոր Անտոն Վեբերնի այն երգերին, որոնք գրված են նշանավոր էքսպրեսիոնիստ բանաստեղծ Գեորգ Թրակլի խոսքերով։

Հաղորդումը լուսաբանում է Սայաթ-Նովայի արվեստի ազդեցությունը հայ կոմպոզիտորների ստեղծագործությունների վրա: 

Հաղորդումը նվիրված է Դմիտրի Շոստակովիչի 8-րդ լարային կվարտետին և Առնոլդ Շյոնբերգի «Վարշավայի գետտոյից փրկվածը» կանտատային:

Հաղորդումը ներկայացնում է Արամ Խաչատրյանի անվան դիրիժորների միջազգային մրցույթի բացման արարողությունը, ժյուրիի անդամներին, հյուրերին և հնարավորություն ընձեռում լսելու Արամ Խաչատրյանի ստեղծագործությունները ժյուրիի դիրիժոր-անդամների և Երիտասարդական նվագախմբի կատարմամբ: