Հաղորդման ընթացքում անդրադարձ է կատարվում երդում տալու հրեական սովորությանը: Հրեաները, ինչպես և բոլոր մարդիկ, ովքեր երդվելու սովորություն ունեն, երդման միջոցով իրենց ասած խոսքն ավելի հավաստի և ճշմարտացի ներկայացնելու խնդիր ունեն: Հրեաները երդվում էին, օրինակ, Երուսաղեմի, երկնքի և երկրի վրա:  Տեր Հիսուս Քրիստոսը, ինչպես Օրենքի ճշմարիտ ուսուցման նախորդ, այնպես և այս հատվածում, չմերժելով հանդերձ Հին Ուխտի օրենքը, առավել բարձր հարթություն է տեղափոխում երդվելու սովորությունը՝ այն փոխարինելով պարզապես  խոստում տալու, «այո»-ն այո և «ոչ»-ը ոչ պահելու պատգամով: