Հայ
LIVE
Ե
Ե
Չ
Հ
Ու
Շ
Կ
23:00 - Արվեստի երանգներ, 24:02 - «Գանձասար» ռադիոհանդես (ռուսերեն), 23:00 - Սիրաքի գիրքը, 24:02 - «Գանձասար» ռադիոհանդես (ռուսերեն), 23:00 - Մեծ գաղափարներ, 24:02 - «Գանձասար» ռադիոհանդես (ռուսերեն),
ծրագրեր
Երկուշաբթի 08:02, 20:02
Երեքշաբթի 08:02, 20:02
Չորեքշաբթի 08:02, 20:02
Հինգշաբթի 08:02, 20:02
Ուրբաթ 08:02, 20:02
Շաբաթ 08:02, 20:02
Կիրակի 08:02, 20:02
«Գանձասար» ռադիոհանդես (հայերեն)
Երկուշաբթի 18:00, 24:02
Երեքշաբթի 18:00, 24:02
Չորեքշաբթի 18:00, 24:02
Հինգշաբթի 18:00, 24:02
Ուրբաթ 18:00, 24:02
Շաբաթ 18:00, 24:02
Կիրակի 18:00, 24:02
«Գանձասար» ռադիոհանդես (ռուսերեն)
Չորեքշաբթի 19:00, 21:00
Հինգշաբթի 19:00, 21:00
«Զատիկ» մանկական հաղորդաշար
Երեքշաբթի 12:00, 22:00
Չորեքշաբթի 10:00
Կիրակի 14:00
Ակունք
Աղոթքներ
Անակնկալ հանդիպում
Հինգշաբթի 12:00, 22:00
Ուրբաթ 10:00
Կիրակի 22:00
Աշխարհայացք
Երկուշաբթի 11:00
Հինգշաբթի 14:00, 23:00
Շաբաթ 13:00
Արվեստի երանգներ
Չորեքշաբթի 15:00
Բնանկարի հայ վարպետները
Երկուշաբթի 15:00
Ուրբաթ 11:00
Շաբաթ 15:00
Գրական ընտրանի
Ուրբաթ 15:00
Կիրակի 15:00
Երաժշտական թատրոնի գոհարներ
Երկուշաբթի 19:00, 21:00
Երեքշաբթի 19:00, 21:00
Իմ Եկեղեցու պատմությունը
Երեքշաբթի 14։00, 23:00
Հինգշաբթի 11։00
Շաբաթ 16:00
Համաշխարհային դասական երաժշտություն
Երկուշաբթի 14:00, 23:00
Երեքշաբթի 11:00
Շաբաթ 14:00
Հայ կոմպոզիտորներ և կատարողներ
Ուրբաթ 12:00, 22:00
Շաբաթ 17:00
Հայելի
Ուրբաթ 19:00, 21:00
Շաբաթ 19:00, 21:00
Կիրակի 19:00, 21:00
Հեքիաթի ժամ
Հիշարժան օրեր և տարեթվեր
Չորեքշաբթի 12:02, 22:00
Հինգշաբթի 10:00
Շաբաթ 10:00
Հոգևոր զրույցներ
Երկուշաբթի 12:02, 22:00
Երեքշաբթի 10:00
Կիրակի 10:00
Հոգևոր զրույցներ համատես Ավետարանների շուրջ
Երեքշաբթի 15:00
Չորեքշաբթի 11:00
Շաբաթ 11:00, 23:00
Մեծ գաղափարներ
Հինգշաբթի 15:00
Մեր կինոն
Երկուշաբթի 09:00
Երեքշաբթի 09:00
Չորեքշաբթի 09:00
Հինգշաբթի 09:00
Ուրբաթ 09:00
Շաբաթ 09:00
Կիրակի 09:00
Մտորումներ
Երկուշաբթի 10:00
Շաբաթ 12:00, 22:00
Կիրակի 23:00
Ոսկեփորիկ
Ուրբաթ 14:00, 23:00
Սիրաքի գիրքը
Չորեքշաբթի 14:00, 23:00
Կիրակի 13:00
Սուրբ Գրքի ներածություն
Հոդվածներ Հարցախաղ Մեդիա «Վէմ» ակումբ Արտադրանք
Հեղինակ` Արաքս Պողոսյան
Հաղորդման ժամանակացույց
Հինգշաբթի - 12:00, 22:00
Ուրբաթ - 10:00
Կիրակի - 22:00
Կապ
araks@vem.am
Աշխարհայացք

Հաղորդաշարը թեմաների լայն շրջանակ ունի: Այն քննարկում է աշխարհի քրիստոնեական ընկալման խնդիրներ, հոգևոր կյանքի օրենքները, արարման խորհուրդներն ու օրինաչափությունները, քրիստոնեական եկեղեցու ծիսակատարություններն ու ուղերձները, պատմական զարգացման ու մարդկային մտքի քրիստոնեական ըմբռնումը: Հաղորդման մասնակիցները ձգտում են պատասխաններ գտնել այսպես կոչված «հավերժական» հարցերին, որոնք առաջադրել են մարդկության մեծագույն մտածողները: Միաժամանակ փորձում են հասկանալ նրանց, ովքեր չեն տեսել քրիստոնեության լույսը կյանքի իմաստի իրենց որոնումներում:

Բաժանորդագրվել
1/1
13 Սեպտեմբեր Ներման ֆենոմենը
  • Հյուր՝ Արմինե Վահանյան

Ի՞նչ է ներումը՝ մեկ գործողությամբ ներկայացո՞ւմ, շախմատային մեկ հաղթական քա՞յլ, թե՞ քայլերի հերթականություն, որոնցից յուրաքանչյուրն իր փուլերն ունի: Ինչու է ներումն անհրաժեշտ և ներողին, և ներվողին: Ինչպես է Տերունական աղոթքը պրոյեկտվում ներման հոգեբանական ընթացքին: Ինչու է ներման բարձրագույն և վերջին փուլ դիտվում  սիրո բացարձակ դրսևորումը՝ առանց նախապայմանների: Հարցերի պատասխանները՝ հոգեբան Արմինե Վահանյանի հետ զրույցում:

 

1/1
1/1
06 Սեպտեմբեր Դիմանկար. Տ. Մարկոս քհն. Մանգասարյան
  • Հյուր՝ Տ. Մարկոս քհն. Մանգասարյան

Մեկուկես տարեկան էր, երբ կորցրեց հորը, իսկ 13-ում՝ մորը, բայց մենակություն ասվածը այդպես էլ չզգաց: Ինչո՞ւ: Ում անտեսանելի ձեռքն էր խնամում նրան, երբ պատանի էր և «շրջապատ» ընկնելը մեկից  մեկ էր։ Ինչու Սևանի դպրանոց մուտքը խուճապի մատնեց նրան, բայց մեկ շաբաթ անց անգամ ուժով նրան այնտեղից հանելն անհնար էր արդեն: Ինչու է նրա կյանքում առաջին տեղում ընտանիքը, հետո՝ հովվական ծառայությունը։ Ինչպիսի երևույթ է Մայր Աթոռն այնտեղ աշխատող հոգևորականի համար՝ լինելով վանք և հոգևոր վարչական կենտրոն միաժամանակ: Ինչպես կերակրել կարիքավորներին՝ հոգով ու մարմնով, երբ սոցիալական ծառայության մեջ ես: Հարցերի պատասխանները՝ Տ. Մարկոս քհն. Մանգասարյանի դիմանկարում:

 

1/1
1/1
26 Հուլիս Դիմանկար. Հայկ Կիսեբլյան
  • Հյուր՝ Հայկ Կիսեբլյան

Ինչպես եղավ, որ շատ բան ասող «Քեսաբ» արմատը նրա ազգանվան միջից կորավ և հոր անունն էլ Վարդանից Վասիլի փոխվեց: Ապրիլյան քառօրյային ինչով էր զբաղված  նա «Հայդուկ» ջոկատի կազմում: Կյանքի ինչ հանգամանքների արդյունքում ձևավորվեց նրա քրիստոնեական աշխարհայացքը և նա պորտալարով կապվեց մայր Եկեղեցուն: Ինչ է տալիս նրան Քրիստոսի վարդապետությունը, և արդո՞ք ունի քրիստոնյայի համար այնքան անհրաժեշտ խաղաղության չափաբաժինն իր ներսում: Հարցերի պատասխանները՝ ֆոտոլրագրող Հայկ Կիսեբլյանի դիմանկարում:

 

1/1
1/1
19 Հուլիս Դիմանկար. Արմեն Սահակյան

Նա ռուսաստանաբնակ հայերից է, որն այս տարի ընտանյոք վերջնականապես հաստատվեց Երևանում: Ինչ կապ ունի դրա հետ վերջին իշխանափոխությունը: Շուրջ 20 տարի ապրելով օտարության մեջ՝ ինչպես կարողացավ պահպանել հայի իր տեսակը և չկտրվել «հայրենիք» պորտալարից: Խորհրդային տարիներին սրբապատկերներ փորագրող և խաչը համբուրող նրա հորն ինչու էին ծաղրում, և ինչպես հոր հավատն առ Աստված փոխանցվեց որդուն: Ինչու է եկեղեցի գնալը և հաղորդություն ստանալը համեմատում մոր կրծքից մանկան կերակրվելու հետ և ինչու չի հասկանում նրանց, ովքեր արդարացնում են իրենց՝ եկեղեցի չգնալը: Հարցերի պատասխանները՝ Արմեն Սահակյանի դիմանկարում:

1/1
1/1
12 Հուլիս Դիմանկար. Արսեն Վարդանյան
  • Հյուր՝ Արսեն Վարդանյան

12 տարեկան էր, երբ կորցրեց մորը: Գուցե դրանից հետո կորցրած ժպիտների փո՞ւնջն է փորձում հետ բերել, երբ կյանքում ամենից  շատ կարևորում է ժպիտը: Դժվար չէ՞ դպրոցում հայոց լեզվի և գրականության  միակ տղամարդ ուսուցիչը լինել: Երբ բարկանում է իրեն բարկացրած երեխայի վրա, ինչու է  ձեռքը գրպանը տանում և որպես պատիժ  ինչ է  այնտեղից հանում:  Ինչու է կարծում, որ ԱԱԾ-ը պիտի լրջագույնս զբաղվի հայոց լեզվի և գրականության թեստային հարցաշարով: Ինչ է հոգևոր Հայաստանը նրա համար, և ինչ դեր է նա այդտեղ հատկացնում Աստծուն ու եկեղեցուն: Հարցերի պատասխանները՝ երիտասարդ մանկավարժ Արսեն Վարդանյանի դիմանկարում:

 

1/1
1/1
05 Հուլիս Դիմանկար. Էդգար Աղաբեկյան
  • Հյուր՝ Էդգար Աղաբեկյան

Նրա ֆեյսբուքյան էջում ազդարարված Վահագնի ծնունդը ինչ կապ ուներ Խորենացուց մեզ հասած «Վահագնի ծնունդի» հետ: Ինչ է նրա համար հայրությունը որպես քրիստոնյայի: Տնտեսագետի իր աչքերով արդյո՞ք Աստվածաշունչը նաև բիզնես ձեռնարկ է: Կյանքի ի՞նչ հանգամանքների և մարդկանց է պարտական իր քրիստոնեական ձևավորված աշխարհայացքի համար և ինչու է համոզված, որ ազգովին մեզ երկրորդ դարձ է պետք: Հարցերի պատասխանները՝ տնտեսագետ Էդգար Աղաբեկյանի դիմանկարում:

1/1
1/1
28 Հունիս Դիմանկար. Տ. Նշան քհն.Ալավերդյան

Երբ 6-րդ դասարանում երազում էր հոգևորական դառնալ, ուղղակի համոզված էր, որ Գևորգյան ճեմարանը դեռևս երկու դար առաջ  է փակվել: Ինչու ճեմարան ընդունվելիս թաքցրեց իր մկրտված չլինելը, և ինչ փոխեց ճեմարանը նրա կյանքում: Բանակային և բանտային ծառայության մեջ կարողացա՞վ մարդկանց որսորդ լինել: Երևանի ամենափոքրիկ եկեղեցուց մինչև Մեծ Բրիտանիայի թեմ ինչպե՞ս քարոզել նույն Քրիստոսին և աշխարհում օր օրի հալածական դարձող քրիստոնեությունը: Հարցերի պատասխանները՝ Տ. Նշան քհն. Ալավերդյանի դիմանկարում:

 

1/1
1/1
21 Հունիս Դիմանկար. Վահե Արսեն
  • Հյուր՝ Վահե Արսեն

Նրա բանաստեղծությամբ դրոշը մինչև այսօր ծածանվում է Ռոտերդամում: Նրա իսկ հայրենիքում փակի տակ դրված գիրքը քաղաքակա՞ն, թե՞ զուտ գրական դրդապատճառներով էր, որ դեմոկրատիայի այդ օրրանում ճանաչվեց տարվա լավագույն գիրք: Ինչպես է սոցիալ-քաղաքական կյանքը նա դարձնում պոեզիա: Ինչու է կարծում, որ մարդը վիճակ է: Ինչու է համարում, որ «Նարեկը» հայի պարականոն ավետարանն է: Ինչ փոխվեց նրա կյանքում, երբ ինքն այն աշխարհից վերադարձավ «Հիսուս Քրիստոս» անունը շուրթերին: Հարցերի պատասխանները՝ բանաստեղծ, թարգմանիչ, գրականագետ Վահե Արսենի դիմանկարում:

 

1/1
1/1
14 Հունիս Դիմանկար. Արամայիս Նազարյան

Նրա ազգատոհմում բժիշկներ չեն եղել, ոչ էլ մանկուց էր երազում բժիշկ դառնալ: Որոնք են նրա համար «բժիշկ-հիվանդ» իդեալական հարաբերությունները: Ինչպես վարվել հիվանդի հետ, եթե նա քեզ հանդիպած առաջին հիվանդը չէ, իսկ դու նրա կյանքում հայտնված առաջին բժիշկն ես: Այսքան տարի նրա գործը մարդկային սրտի հետ է: Ինչ է հասցրել իմանալ մարդու և նրա սրտի մասին: Որպես բժիշկ ունեցե՞լ է իր կյանքում հարցեր՝ ուղղված Աստծուն: Ինչ կարող է տալ հավատը մարդուն: Հարցերի պատասխանները՝ սրտաբան Արամայիս Նազարյանի դիմանկարում:

 

1/1
1/1
07 Հունիս Դիմանկար. Սամվել Հովհաննիսյան

Էջմիածնում նրա ծնվելը կանխորոշված էր նրա ծննդից առաջ: Ինչպես առանց քննություն տալու հայտնվեց Գևորգյան ճեմարանում: Ղարաբաղյան պատերազմում ինչպես կրակեցին դեռևս Մեծ Հայրենականից մնացած հրացանները: Երբ և ինչպես տեղի ունեցավ նրա հանդիպումը Նարեկացու հետ, և ինչու է «Նարեկը» նա համարում գիրք «երեքը՝ մեկում»: Հարցերի պատասխանները՝ «Սուրբ Գրիգոր Նարեկացի» ՀԿ-ի նախագահ Սամվել Հովհաննիսյանի դիմանկարում:

 

1/1
1/1
31 Մայիս Դիմանկար. Մարտիրոս Մինասյան

Կարիերա անելու հեռանկարո՞վ նրան ծնողները խորհրդային տարիներին ռուսական դպրոց տվեցին: Սառը պատերազմի տարիներին Խորհրդային երկրի սրտում՝ Մոսկվայում, դիվանագետ աշխատելը ծա՞նր խաչ էր նրա համար: Ինչու 88-ի ազգային զարթոնքի առաջնորդները չբռնեցին քննությունը, երբ եկան իշխանության: Կբռնե՞ն քննությունն այսօ՛ր իշխանության եկածները: Ինչու է մարդն արտակարգ իրավիճակներում փնտրում Աստծուն, և որն էր նրա՛ կյանքի արտակարգ պատահարը, որ գտավ Աստծուն: Ինչ ասել է հոգևոր մարդ: Հնարավո՞ր է լինել ոչ քրիստոնյա, բայց հոգևոր մարդ:  Հարցերի պատասխանները՝ բիզնեսի խորհրդատու Մարտիրոս Մինասյանի դիմանկարում:

 

1/1
1/1
24 Մայիս Դիմանկար. Կարինե Հալաջյան

Արդյո՞ք այն, որ նրա հորը կոչում էին «Հայկական Լևիտան», չկանխորոշեց նրա մուտքը ռադիո: Նրա ստացած ռուսական կրթությո՞ւնն էր պատճառը, որ Լեզվի տեսչությունը մի անգամ հատուկ հետաքրքրվեց նրանով: Ինչպիսին էին նրա ուղիղ եթերները, և ինչ արտակարգ պատահարներով էին դրանք հարուստ: Ինչ փոխվեց նրա կյանքում, երբ եղբայրն առաջին անգամ Աստվածաշունչ ձեռք բերեց: Երկա՞ր էր մոմ վառելուց մինչև գիտակից հավատ ճանապարհը, և ինչպես նա անցավ այն: Հարցերի պատասխանները՝ ռադիոլրագրող Կարինե Հալաջյանի դիմանկարում:

1/1
1/1
17 Մայիս Դիմանկար. Սուքիաս Թորոսյան

Ինչպես եղավ, որ երկուսուկես տարեկան մանկիկը դարձավ Օպերային թատրոնի դերասան: Ինչու է Պուչինին նրա համար հնչում որպես  օրորոցային: Անընդհատ ինչ-որ բան հիմնադրելու և ինչ-որ նոր բան անելու նրա հիվանդության դեմն արժե՞ առնել: Ինչու է կարծում, որ միակ հեղափոխությունը ինքդ քեզ փոխելն է, իսկ երգիծանկարչությունը՝ պրոֆիլակտիկա և վիրահատական միջամտություն: Ինչու մահից չի վախենում՝ այն աշխարհից երկու անգամ հետ դառնալուց հետո: Ինչ կիսատ գործեր ուներ իր կարծիքով, որ Աստված նրան հետ դարձրեց երկիր: Հարցերի պատասխանները՝ երգիծանկարիչ Սուքիաս Թորոսյանի դիմանկարում:

1/1
1/1
10 Մայիս Դիմանկար. Արթուր Ոսկանյան

Հասարակարգ փոխելը նրան մասնագիտություն փոխել արժեցավ: Ինչո՞ւ: Ինչպես էր ապագա փիլիսոփան խորհրդային բուհում հաղթահարում գիտական աթեիզմն ու կոմունիզմը: Ինչպես հայտնվեց հավատի ու աստվածպաշտության դաշտում և որպես հյուրընկալության փորձագետ ինչպես է պատկերացնում առաջին քրիստոնյա երկիրն աշխարհին ի ցույց դնելու կերպերը: Հարցերի պատասխանները՝ հյուրընկալության ոլորտի փորձագետ Արթուր Ոսկանյանի դիմանկարում:

 

1/1
1/1
03 Մայիս Դիմանկար. Վաչագան Սարգսյան

Ինչպես է նրան հաջողվում տարիներ շարունակ ամեն օր մտնել հազարավոր երեխաների տներ, ինչու նրան նեղ եկան աշխարհի 8 հրաշալիքները, որ ստեղծեց 9-րդը:  Եթե երեխան ուրախությամբ է գնում դպրոց, ինչ թաքնված վտանգ կարող է դրանում լինել: Ինչու է «ղեկավար» բառը դադարել ծառայել իր բուն իմաստին, և երբ է խնձորի տերը դառնում որդը: Մաթեմատիկոսի և ստեղծագործողի  իր մանրադիտակով ինչպես գտավ Աստծուն  և ինչպիսի անոթ է ինքն իրեն համարում Մեծ Բրուտի ձեռքի տակ: Հարցերի պատասխանները՝ դասագրքերի հեղինակ, գրող Վաչագան Սարգսյանի դիմանկարում:

1/1
1/1
26 Ապրիլ Դիմանկար. Լևոն Իվանյան
  • Հյուր՝ Լևոն Իվանյան

Երբ երիտասարդ էր, բառերի նրա աշխարհը նահանջեց հօգուտ լռության: Ինչո՞վ գրավեցին նախկին մնջախաղացին հասուն տարիքում աղմկոտ թատերահանդիսային մեծ արարողությունները, երբ «զորահանդեսի» հրամանատարն ինքը դարձավ: Ինչու է հային համարում մարդու բարձրագույն վիճակ: Ինչպես խորհրդային ընդհատակում ապրող քրիստոնեությունն ու Քրիստոսը երևացին նրան ճշմարիտ լույսի ներքո: Եվ արդյո՞ք օրերից մի օր լայնամասշտաբ «ծեսերի» վարպետ բեմադրիչը կդառնա նաև ծեսերից մեծագույնի մշտական մասնակիցը: Հարցերի պատասխանները՝ թատերահանդիսային արարողությունների ռեժիսոր, մնջախաղաց Լևոն Իվանյանի դիմանկարում:

1/1
1/1
19 Ապրիլ Դիմանկար. Արթուր Միկոյան

Կարո՞ղ է լույսը օտար լինել: Ինչու է  նրա գրական հերոսն իրեն Աստծո սպասավոր համարում կամ թափառական մեկը, ով փնտրում է իր հոգու տունը։ Ինչու է գրականությունը նրա համար հոգևոր գործունեություն և գրողն էլ, եթե նա ձգտում է  հոգևոր առաջընթացի, փրկված գրող: Ինչու են նրա վեպում կանայք սարսափելի արարածներ: Որն է ճշմարիտ բարին, և ինչու են, կենդանի Աստծուն շրջանցելով, մարդիկ ստեղծում իրենց աստվածները, որոնք երբեք էլ չեն գոհացնելու մարդկանց: Հարցերի պատասխանները՝ երիտասարդ գրող Արթուր Միկոյանի դիմանկարում:

 

1/1
1/1
12 Ապրիլ Դիմանկար. Բաբկեն Չոբանյան
  • Հյուր՝ Բաբկեն Չոբանյան

Ինչպես Փոքրիկ իշխանը նրա կյանքում դարձավ առաջին մեծ տեքստը և ստիպեց իր հետ հաշվի նստել: Ինչ մնաց նրան այդ տեքստից, որ դարձավ աշխարհայացք: Ինչպես պատահեց, որ նրա կյանքի առաջին բեմը եկեղեցու խորանը դարձավ։ Գուցե դա՞ էր պատճառը, որ այդպես էլ չինտեգրվեց եկեղեցում՝ իր  բուն իմաստով: Ամենաազդեցիկը գրքերից՝ համբուրելու աստիճան,  «Ոճիր և պատիժն» էր: Ինչո՞ւ: Ինչով են պայմանավորված նրա ձայնում առկա ինտելեկտը, լրջությունը և դրամատիզմը: Ինչ ասել է ինտելեկտուալ դերասան: Ինչու նրա սիրած թեմաներից է «Հայրեր-որդիներ կոնֆլիկտը», և ինչպիսի հայրենիք կուզեր փոխանցել իր զավակներին: Հարցերի պատասխանները՝ դերասան Բաբկեն Չոբանյանի դիմանկարում:

1/1
1/1
05 Ապրիլ Հավատի խնդիրը փիլիսոփայության մեջ
  • Դավիթ Աքելյան
  • Տ. Նշան քհն. Ալավերդյան

Ինչպես է սահմանվում հավատը փիլիսոփայության և քրիստոնեության մեջ, և ինչով են տարբերվում այդ սահմանումներն իրարից: Ինչու էր գրող, փիլիսոփա Ալբեր Քամյուն մարդուն համարում կրոնական արարած: Մարդու համար արժանապատիվ է հավատալ ինչի՞ն և ո՞ւմ: Արդյո՞ք կրոնական հավատը հավատի միակ հավաստի ու իրական դրսևորումն է: Ինչ ասել է գիտական հավատ: Ինչու էր քիչ բանից զարմացող փիլիսոփա Կանտին այնուամենայնիվ զարմացնում երկու բան՝ աստղազարդ երկինքը նրա գլխավերևում և բարոյական օրենքը նրա ներսում: Հարցերին անդրադառնում են ԵՊՀ փիլիսոփայության ֆակուլտետի ուսանող Դավիթ Աքելյանը և Տ. Նշան քհն. Ալավերդյանը:

 

1/1
1/1
29 Մարտ Եղել եմ աթեիստ, հետո՝ քրիստոնյա, հետո՝ հեթանոս, իսկ հիմա պարզապես որոնող եմ

Հյուրեր՝

  • Արծրուն Պեպանյան
  • Տ. Նշան քհն. Ալավերդյան

Նա այս անգամ հանդես է գալու ոչ թե որպես գրող կամ հրապարակախոս, այլ պարզ որոնող: Մարդը, ով ժամանակին եղել է աթեիստ, հետո՝ քրիստոնյա, հետո՝ հեթանոս, ի՞նչ կարող է որոնել այսօր: Ի՛նչը նրան չբավարարեց աթեիզմի մեջ, որ հետո դարձավ քրիստոնյա. ի՛նչը նեղ եկավ քրիստոնեության մեջ, որ հետո դարձավ հեթանոս: Եվ ինչու հեթանոսի թիկնոցով էլ իրեն պաշտպանված չզգաց: Ինչու նրա վեպում Ջորդանո Բրունոն այդպես էլ չկարողացավ ասել խելքին փչածը: Եվ վերջապես ի՛նչ տեսլականի շուրջ պետք է միավորել ազգին հայոց: Թեման քննարկում են գրող, հրապարակախոս Արծրուն Պեպանյանը և Տ. Նշան քհն. Ալավերդյանը:

1/1
1/1
22 Մարտ Դիմանկար. Դավիթ Հակոբյան

Նա իր կյանքում հասցրել է երկու հանճարեղ բեմադրություն անել: Իր ուսանողների մոտ երբ ուզում է ինքն իրենից մեջբերում անել, ասում է՝ Սոկրատն ասել է, իսկ երբ ուզում է Սոկրատին մեջբերել, ասում է՝ պապս ասում էր: Ինչո՞ւ: Ինչու է կարծում, թե թատրոնը միայն ներկա ունի, և դերասանն էլ մի բան է, որ կարող է երբեմն սեռ չունենալ:
Ինչու սեղանի շուրջ նրա շրջապատում բոլորը, նրանից սկսած, ասում են. «Աստվա՛ծ, ների՛ր Հակոբյանի բոլոր մեղքերը»: Վերջապես երբ է գրելու «Ավետարան ըստ իմ տատի» գիրքը: Հարցերի պատասխանները՝ բեմադրիչ, դերասան Դավիթ Հակոբյանի դիանկարում:

1/1
1/1
15 Մարտ Դիմանկար. Վահե Յան

Նա իր ազգանունից թողել է «–յան»-ը: Դա որևէ կապ ունի՞ հինարևելյան ին-յան նախասկիզբների հետ: Նա բեմադրել է «Ջոնաթան Լիվինգստոն ճայը», «Կալիգուլան» և «Ռնգեղջյուրը»: Ինչու ժամանակակից գրականության հերոսը, չնայած որ էլի մարդն է, բայց պայմանով, որ վերածվի կա՛մ ուտիճի, կա՛մ ռնգեղջյուրի, կա՛մ մի ամբողջ անասնաֆերմայի: Ինչու  է ստեղծագործողի իր տեսակը համարում մեռնող տեսակ: Տերունական աղոթքն ամենապարտավորեցնող տեքստն էր, որ հանրայնացվեց նրա կողմից՝ նրա ընթերցմամբ: Կա՞ մի բան, նրա կարծիքով, որ դուրս է մնացել այդ աղոթքից: Հարցերի պատասխանները՝ կինոռեժիսոր Վահե Յանի դիմանկարում:

 

1/1
1/1
08 Մարտ Դիմանկար. Էդգար Գյանջումյան
  • Հյուր՝ Էդգար Գյանջումյան

Նա այն քիչ տղաներից էր, որ դպրոցում շատ լավ էր սովորում: Արդյունքում ավարտեց երեք  բուհ: Նրանից չստացվեց մաթեմատիկոս և միջազգայնագետ, այլ երաժիշտ: Ինչո՞ւ: Ինչպես եղավ, որ իր երաժշտական կարիերայի գագաթնակետին հայտնվեց կյանքի և մահվան եզրագծին, որտեղից դուրս եկավ «Հավատա և աղոթիր» կարգախոսով և հասկացավ, որ այլևս չի կարող ապրել առանց Սիրո: Հարցերի պատասխանները՝ երաժիշտ, երգահան Էդգար Գյանջումյանի դիմանկարում:

 

1/1
1/1
01 Մարտ Դիմանկար. Գառնիկ Հարությունյան

Նա այն քչերից է, որ առաջին հայտով է ընդունվել ԵՊՀ աստվածաբանության ֆակուլտետ: Ասել է, թե ընտրությունը գիտակի՞ց էր: Ինչու նախկինում «աստվածաբան» կարող էր կոչվել միայն եկեղեցու վարդապետը, իսկ այսօր՝ մինչև իսկ աթեիստը, եթե աստվածաբանություն է ուսումնասիրում: Որոնք էին հերձվածողների՝ ուղղադավանությանը վերադարձի կանոններն ըստ «Կանոնագիրք հայոց»-ի, և որոնք են ժամանակակից աղանդների՝ իրենց շարքերում մարդ ներգրավելու նորագույն մեթոդները: Հարցերի պատասխանները՝ Մատենադարանի ավագ գիտաշխատող, աստվածաբան Գառնիկ Հարությունյանի դիմանկարում:

1/1
Էջ 1 2 3 4 5
Հետադարձ կապ
Փավստոս Բուզանդի փող., 1/3, Հայաստան 0010, Երեվան, Հեռ.՝ (+374 10) 54 88 70; (+374 10) 58 52 49