Հաղորդումներ 
Կյանքի կոչում և նպատակ: Ներանձնական փնտրումներ և հոգևոր ճանապարհի ընտրություն: Դավանական մաքրություն, ուղղափառ գիտակցություն, սեփական ավանդության ճանաչողություն: Ինչ պատասխաններ է տալիս Եկեղեցին մեզ հուզող խնդիրներին: Ինչպիսին է հոգևորի և նյութականի փոխհարաբերությունը մարդու կյանքում: Կարելի՞ է այս կյանքում հասնել կատարելության: Ինչպես իրագործել քրիստոնեական պատվիրանները: Ինչպես վերաբերվել աղանդավորական շարժումներին: Ինչպես զերծ պահենք մեզ և մեր երեխաներին հոգևոր շեղումներից: Այս և այլ կարևոր հարցերի պատասխանները` «Հոգևոր զրույցներ» հաղորդաշարի քննարկումներում:
Երբ Քրիստոսը քարոզում էր երկրի վրա, մի խորհուրդ տվեց՝ վերցնել սեփական խաչը և հետևել Իրեն: Սա անհատական առաջարկ էր, որ վերաբերում է յուրաքանչյուր մարդու, յուրաքանչյուր քրիստոնյայի: Իսկ ինչպե՞ս կարող է այդ գիտակցված խաչակրությունը տեղի ունենալ մի ամբողջ ազգի հետ: Կարո՞ղ է Տերը մի ամբողջ ազգից դա ակնկալել: Մեզ հաճախ են ասում, որ մենք խաչակիր ազգ ենք: Ո՞րն է իրականում մեր ազգի խաչը:
- Տ. Թովմա քհն. Անդրեասյան
