Հաղորդումներ 
Հաղորդաշարը թեմաների լայն շրջանակ ունի: Այն քննարկում է աշխարհի քրիստոնեական ընկալման խնդիրներ, հոգևոր կյանքի օրենքները, արարման խորհուրդներն ու օրինաչափությունները, քրիստոնեական եկեղեցու ծիսակատարություններն ու ուղերձները, պատմական զարգացման ու մարդկային մտքի քրիստոնեական ըմբռնումը: Հաղորդման մասնակիցները ձգտում են պատասխաններ գտնել այսպես կոչված «հավերժական» հարցերին, որոնք առաջադրել են մարդկության մեծագույն մտածողները: Միաժամանակ փորձում են հասկանալ նրանց, ովքեր չեն տեսել քրիստոնեության լույսը կյանքի իմաստի իրենց որոնումներում:
Ինչու նրան ծնողները ռուսական դպրոց տարան, և ինչու հայկական միջավայրում ապրած, բայց ռուսական կրթություն ստացած հայերը մինչև կյանքի վերջ մայրենի լեզվի հետ խնդիր են ունենում: Ինչպես հայտնվեց կրթության ոլորտում: Ինչն է փոխվել այսօր կրթության մեջ, և ինչ է կրթությունն այսօր: Ուսուցչից աշակերտ օդակաթիլային ճանապարհով ինչ կարող է անցնել, և ինչպես է տեղեկույթը վերաճում գիտելիքի: Ինչպիսի հարթակ է Վիքիմեդիան որպես կրթական գործիք, և ինչպես է տեղեկույթն անընդհատ թարմացվում այդ հարթակում: Որն է, ըստ նրա, մարդու և հայ ժողովրդի փրկության բանաձևը: Հարցերի պատասխանները՝ կրթության կառավարման մասնագետ Արթուր Խալաթյանի դիմանկարում:
