Հաղորդումներ 
«Ոչ մի բանակ չի կարող դիմակայել այն գաղափարի ուժին, որի ժամանակն արդեն եկել է»: Ֆրանսիացի գրող Վիկտոր Հյուգոն հասկանում էր, որ հենց ժամանակի հարմար պահերին հղացված մտքերն են ծնում տիեզերքը խարխլող գաղափարներ, գաղափարներ, որոնք դատապարտված են դառնալու մեծ: Բայց մեծությունը կարող է բնույթով տարբեր լինել՝ մեծ և գեղեցիկ, մեծ և այլանդակ, մեծ և սարսափելի: Գաղափարը կարող է մեծ լինել այս բոլոր դրսևորումներով, ուստի հարուցել հիացմունք, նողկանք կամ սարսափ: Հաղորդումների այս շարքում ներկայացնում ենք տարբեր տեսակի մեծ գաղափարներ:
Ուտիլիտարիզմը բարոյագիտական տեսություն է, որն արարքի օգտակարությունը համարում է նրա բարոյականության չափանիշը: Ուտիլիտարիզմի հիմնական սկզբունքը սահմանվել է որպես «առավել մեծ թվով մարդկանց առավել մեծ երջանկություն»՝ նրանց մասնավոր շահերի բավարարման միջոցով:
