Ինքնություն և արժեքներ, քննարկումների շարք
Հաղորդաշարը աշխարհայացքային հիմնահարցերի վերաբերյալ է: Գլխավոր թեմաներն են անձնական և հավաքական ինքնությունը, ճանաչողությունը և արժեքաբանությունը: Հաղորդաշարի նպատակը գաղափարական մտածողության խթանումն է, համայնքաշինական մշակույթի ձևավորումը և արժեքների շուրջ երկխոսության ծավալումը Հայաստանում և սփյուռքում:
Ճանաչողություն
Ճանաչողության դերը եւ նշանակությունը մարդկային կյանքում: Ինչպե՞ս եւ ի՞նչ ենք ճանաչում: Ւնքնաճանաչողությունը ընդհանուր ճանաչողության գործընթացում: Ինքնաճանաչողության ճանապարհի դժվարութիւնները եւ մարտահրավերները: Ճանաչողություն եւ կրթություն: Ի՞նչ եւ ինչպե՞ս ենք սովորեցնում ճանաչել: Ինքնաճանաչողության խնդիրը կրթության մէջ: Մեքենայական ճանաչողություն եւ արհեստական բանականություն:
- Խոսնակներ` Տ. Մեսրոպ քհն. Արամյան, Դավիթ Յան, Կարեն Մուսայելյան
- Վարող` Արամ Փախչանյան
Ապաշխարություն` հոգևոր, պատմական, մշակութային
Ապաշխարությունը խորքային և արմատական վերականգնման, վերափոխման և ազատագրման ճանապարհ է և՛ անհատների, և՛ համայնքների համար: Այն սկսվում է սեփական մեղքերն ու սխալները տեսնելուց, դրանց պատճառները հասկանալուց, զղջալուց և դրանք չկրկնելու պատասխանատվությունից:
- Խոսնակներ` Միքայել Մալխասյան, Տիգրան Բունիաթյան
- Վարող` Տ. Մեսրոպ քհն. Արամյան