Ինքնություն և արժեքներ

Ինքնություն և արժեքներ

Հաղորդաշարը աշխարհայացքային հիմնահարցերի վերաբերյալ է: Գլխավոր թեմաներն են անձնական և հավաքական ինքնությունը, ճանաչողությունը և արժեքաբանությունը: Հաղորդաշարի նպատակը գաղափարական մտածողության խթանումն է, համայնքաշինական մշակույթի ձևավորումը և արժեքների շուրջ երկխոսության ծավալումը Հայաստանում և սփյուռքում:

 

Homo laborans. աշխատանքի իմաստի մեկնաբանություն
09/07/2024

Homo laborans. աշխատանքի իմաստի մեկնաբանություն

Աշխատանքի էության վերաբերյալ դիտարկումները ամերիկացի հոգեբան Ալբերտ Թոմփսոնի «Homo laborans» հոդվածում։ Աշխատանք և հանգիստ։ Աշխատանքի կրոնական և փիլիսոփայական պատկերացումները։ Աշխատանքը սիրելու կամ ատելու, շահադրդման և խորթության դրդապատճառները։ Պրոֆեսիոնալիզմի և հասարակական դիրքի դերը աշխատանքից գոհունակություն ստանալու մեջ։ Մարդու աշխատանքային հեռանկարների կանխատեսումներ։  

  • Խոսնակ՝ Անուշ Մանուչարյան
  • Վարող՝ Վարդան սրկ․ Ասլանյան
Ինքնություն և արժեքներ
Ինքնության վավերագրում
02/07/2024

Ինքնության վավերագրում

Ինքնության բյուրեղացումը փաստավավերագրական ֆիլմաժանրի միջոցով։ Ֆիլմում ազգային ինքնության ամփոփ և սիմվոլիկ ներկայացման եղանակները։ Հայաստանի Հանրապետության և հարևան երկրների տարածքում գտնվող պատմամշակութային հուշարձանների վավերագրման հրատապ անհրաժեշտությունը։ Փաստավավերագրական ֆիլմն իբրև Հայաստանի դեսպան միջազգային հարթակներում։

  • Խոսնակ՝ Նարե Թադևոսյան
  • Վարող՝ Վարդան սրկ․ Ասլանյան
Ինքնություն և արժեքներ
Սոցիալական աջակցություն
25/06/2024

Սոցիալական աջակցություն

Սոցիալական աջակցության՝ մարդկային ինքնությանն ու արժեքներին աղերսվող կողմը։ Սոցիալական ծառայության աշխատակիցն իբրև հասարակության իմունային բջիջ։ Ուժասպառության, հուսահատության և հոգեբանական ծանր ապրումների հաղթահարումը սոցիալական աշխատանքում։ Սոցիալական ծառայության շահառուներն ու գործընկեր կառույցները։ Տրամադրվող աջակցության տեսակները։ Սոցիալական ծառայության հիմնարար սկզբունքների փոխառումը վաղ Եկեղեցուց։

  • Խոսնակ՝ Օգիտա Ղուկասյան
  • Վարող՝ Վարդան սրկ․ Ասլանյան
Ինքնություն և արժեքներ
Հայկական լեռնաշխարհ
18/06/2024

Հայկական լեռնաշխարհ

Ազգային ինքնության աշխարհագրական սահմանները։ Պատմական հայրենիքի հետ ոգեղեն կապի հարատևությունը։ Մասիս լեռան խորհրդաբանությունը։ Պատմական Հայաստանի առանձին նահանգների խորացված հետազոտումը։ Հայկական լեռնաշխարհի բնությունն ու պատմամշակութային հուշարձանները։ Հայրենաճանաչությունը ՀՀ-ում և նրա սահմաններից դուրս։

  • Խոսնակ՝ Գևորգ Պետրոսյան
  • Վարող՝ Վարդան սրկ․ Ասլանյան
Ինքնություն և արժեքներ
Վիրտուալ իրականություն
11/06/2024

Վիրտուալ իրականություն

Սոցիալական ցանցերն իբրև ինքնության դրսևորման և իրացման տիրույթ։ Իրական և վիրտուալ «ես»։ Հոգեբանական պահանջմունքների բավարարումը վիրտուալ տիրույթում։ Հաղորդակցման վիրտուալ եղանակների ազդեցությունը անձնային առանձնահատկությունների վրա։ Հասարակական և անձնային տարածքների խախտում։ Ինֆորմացիոն հոսքերի ազդեցությունը մարդկային գիտակցության և հույզերի վրա։

  • Խոսնակ՝ Աննա Առաքելյան
  • Վարող՝ Վարդան սրկ․ Ասլանյան
Ինքնություն և արժեքներ
Ազգային ընկալումների ձևավորում
04/06/2024

Ազգային ընկալումների ձևավորում

Ազգային ընկալումների ձևավորումը կրթական համակարգում, ընտանիքում և հասարակության մեջ։ Ցանցային միջավայրի և գլոբալիզմի ազդեցությունը ազգային գիտակցության վրա։ Ազգային ընկալումների աղավաղում և ծայրահեղացում։ Ազգայնական պաթոս և փուչ հայրենասիրություն։ Քաղաքացիական գիտակցության ձևավորման և պատմության դասերի օբյեկտիվ ընկալման անհրաժեշտությունը։ Ազգային գիտակցության ձայնը երիտասարդ սերնդի սրտում։

  • Խոսնակ՝ Մեհրի Ղազարյան
  • Վարող՝ Վարդան սրկ․ Ասլանյան
Ինքնություն և արժեքներ
Հայ ինքնության առանձնահատկությունները
28/05/2024

Հայ ինքնության առանձնահատկությունները

Դերենիկ Դեմիրճյանի «Հայը» խոհագրության մեջ արտացոլված հայ ինքնության հիմնական բնութագրիչները. Սասունցի Դավիթ, քրիստոնեական ինքնություն, պետական մտածողության բացակայություն, ազգային բարդույթներ։ Գևորգ Էմին. «Զարմանալի հայ»։ Պատմական և իրական հայրենիքի շփոթումը։ Հայրենաճանաչության խնդիրը Ռաֆայել Պատկանյանի «Հայ և հայություն» բանաստեղծության մեջ։

  • Խոսնակ՝ Արթուր Աթանեսյան
  • Վարող՝ Վարդան սրկ․ Ասլանյան
Ինքնություն և արժեքներ
Երիտասարդների մասնակցությունը հասարակական կյանքին
21/05/2024

Երիտասարդների մասնակցությունը հասարակական կյանքին

Ռոջեր Հարթի մասնակցության սանդուղքը։ Դեռահասներին ձայնից ու նախաձեռնությունից զրկելու արատավոր դրսևորումները՝ մանիպուլացիա, դեկորացիա, տոկենիզմ։ Երեխաների իրավունքների կոնվենցիայի հիմնարար դրույթները, դրանց կիրարկումը Հայաստանում։ Ծնողական ու կրթական բռնակալության դրսևորումները և դեռահասների ակտիվության վրա ազդող գործոնները։ Երիտասարդների ներգրավումը հասարակական կյանքում կամավորության, երիտասարդական ՀԿ-ների և ոչ ֆորմալ կրթության միջոցով։

  • Խոսնակ՝ Մարինե Մխիթարյան
  • Վարող՝ Վարդան սրկ․ Ասլանյան
Ինքնություն և արժեքներ
Երազանք
14/05/2024

Երազանք

Ազգերին ու մարդկանց առաջնորդող և նրանց ինքնությունը սահմանող երազանքները, տեսիլքներն ու ավանդությունները։ Սբ Գրիգոր Լուսավորչի տեսիլքը։ «Երկիր Նաիրիի» չարենցյան և տերյանական երազանքը։ Հենրի Դեյվիդ Թորո. «Կան ազգեր առանց երազի ու երևակայության»։ Փիլիսոփաների կողմից կառավարվող երկրի պլատոնյան երազանքը։ Մարտին Լութեր Քինգի արդար հասարակության տեսլականն արտացոլող «Ես երազանք ունեմ» ճառը։

  • Խոսնակ՝ Արփինե Մելքումյան
  • Վարող՝ Վարդան սրկ․ Ասլանյան
Ինքնություն և արժեքներ
Ապագայի տեսլականը
07/05/2024

Ապագայի տեսլականը

Մշակույթի և քաղաքակրթության տարընթաց բնույթը։ Հայոց պատմության մեջ մշտապես կրկնվող շրջափուլերը։ Ապագայի սերումը անցյալի և ներկայի ընկալումից։ Ազգի և պետության ապագայի վերաբերյալ հասարակության և իշխանությունների տեսլականը։ Հայ ժողովրդի անցյալ, ներկա և ապագա ինքնության հարցերը։ Կրթական և սոցիալական ապագա մարտավարությունը։

  • Խոսնակ՝ Մարինա Մխիթարյան
  • Վարող՝ Վարդան սրկ․ Ասլանյան
Ինքնություն և արժեքներ
Սեր և ինքնություն
30/04/2024

Սեր և ինքնություն

Սիրո փիլիսոփայական և կրոնական ընկալումները։ Սիրո շնորհիվ մարդկային ինքնության ամբողջացումը և Արարչի հետ միավորումը։ Սերն իբրև «սրբազան անմտություն» և «մարդկային ակտիվ զորություն»։ Հասարակության կառուցումը եղբայրական սիրո հիմքի վրա։ Անանձնական և զոհաբերական սեր։ Քրիստոնեությունն իբրև ամբողջովին սիրո վրա կառուցված հավատքային համակարգ։

  • Խոսնակ՝ Արման Ղարագուլյան
  • Վարող՝ Վարդան սրկ. Ասլանյան
Ինքնություն և արժեքներ
Հասարակության հիմունքներ
23/04/2024

Հասարակության հիմունքներ

Արիստոտելի «Տնտեսություն» աշխատության երեք կենտրոնական գաղափարները՝ ընտանիք, տնտեսություն և հասարակություն։ Ընտանիքի կարևորումը հայ մտածողության մեջ և արդի վերափոխիչ գործընթացներն ընտանիքում։ Տնտեսվարման հմտություններ և ֆինանսական գրագիտություն։ Առողջ հասարակության կառուցման համար անհրաժեշտ մարդկային որակները։

  • Խոսնակ՝ Արթուր Աթանեսյան
  • Վարող՝ Վարդան սրկ․ Ասլանյան
Ինքնություն և արժեքներ
Ինքնություն և դավանանք
16/04/2024

Ինքնություն և դավանանք

Սասունի դավանափոխ և քրիստոնյա արաբախոս հայերի մշակույթի, ազգային ու կրոնական գիտակցության օրինակը։ Քրիստոնեական հավատն ու հայոց լեզուն իբրև հայ ինքնության հիմնասյուներ։ Վերապրելու նպատակով հորինված «արաբական» ինքնությունը։ Սասունահայերի ամուր համայնքային կապերն ու կղզիացած կյանքը Թուրքիայում։

  • Խոսնակ՝ Սոֆիա Հակոբյան
  • Վարող՝ Վարդան սրկ․ Ասլանյան
Ինքնություն և արժեքներ
Հայոց բանակի մարտական ոգին
09/04/2024

Հայոց բանակի մարտական ոգին

Զինծառայողների հոգեբանական պատրաստությունը արդի զինատեսակների և մարտի վարման ռազմավարությունների պայմաններում։ Մարտական ոգու ձևավորում և բանակաշինություն։ Առաջնորդությունը զինված ուժերում։ Ռազմիկի մարտական ոգու և հասարակության վիճակի փոխկապակցվածությունը։ Հայոց բանակի մարտական ոգին ամրապնդող ազգային գործոնները։

  • Խոսնակ՝ Սվետլանա Բաղդասարյան
  • Վարող՝ Վարդան սրկ․ Ասլանյան
Ինքնություն և արժեքներ
Բնապահպանություն
02/04/2024

Բնապահպանություն

Արդյոք բնությունը մարդակենտրո՞ն է։ Մարդն իբրև արարչության պսակ, պահապան և մշակ։ Բնապահպանական ոլորտում հասարակության վատ իրազեկվածության խնդիրը, արժեհամակարգային փոփոխությունների անհրաժեշտությունը։ Էկոկրթական ծրագրեր։ Երիտասարդ սերունդն իբրև համաշխարհային բնապահպանական շարժման լոկոմոտիվ։ «ՆԱԲՈՒ Հայաստան»-ի կամավորների և դեսպանների ցանցը։

  • Խոսնակ՝ Լուսինե Աղաջանյան
  • Վարող՝ Վարդան սրկ․ Ասլանյան
Ինքնություն և արժեքներ
Ավագ շաբաթվա ժողովրդական ծիսակարգերը
26/03/2024

Ավագ շաբաթվա ժողովրդական ծիսակարգերը

Ավագ շաբաթն իբրև Մեծ պահքի գագաթնակետ և հանգուցալուծում։ Եկեղեցական և ժողովրդական ծիսակարգերի առնչությունը։ Ծաղկազարդի և Սբ Զատկի ժողովրդական տոնակատարությունները։ Նահապետական կենցաղում կատարվող Ժողովրդական ծիսակարգերի համայնքային և ընտանեկան բնույթը։

  • Խոսնակ՝ Հասմիկ Բաղրամյան
  • Վարող՝ Վարդան սրկ․ Ասլանյան
Ինքնություն և արժեքներ
Մշակույթի ժողովրդականացում
19/03/2024

Մշակույթի ժողովրդականացում

«Մշակութամետ» երիտասարդական նախաձեռնությունը և մշակույթի տարածումը մարզերում։ Հայաստանի մշակութային սահմանների ամրացումն իբրև նպատակ։ Մշակույթի անխոնջ «մշակ»-ը։ «Հանուն»-ի կարևորությունը մշակույթում և կրթական համակարգում։ Անտուան դը Սենտ-Էքզյուպերի, «Միջնաբերդ». «Մարդկանց մշակույթ նվիրել՝ նշանակում է մարդկանց ծարավ նվիրել»։

  • Խոսնակ՝ Ջեմմա Մանուկյան
  • Վարող՝ Վարդան սրկ․ Ասլանյան
Ինքնություն և արժեքներ
Ինքնության կորուստ
12/03/2024

Ինքնության կորուստ

Ինքնության կորուստը՝ Հայոց ցեղասպանության տարիներին հայ երեխաների թուրքացման օրինակով։ Թուրքական որբանոցներում կիրառվող «նոր մարդու» ձևավորման մեթոդները և դրանց փոխառումը նացիստական Գերմանիայում։ Հայ որբերի լուռ պայքարը հանուն սեփական ինքնության պահպանման։ Համշենահայության տրոհումը տարբեր ինքնութենական գիտակցություն ունեցող երեք խմբերի։

  • Խոսնակ՝ Շուշան Խաչատրյան
  • Վարող՝ Վարդան սրկ․ Ասլանյան
Ինքնություն և արժեքներ
Պահանջմունքներ
05/03/2024

Պահանջմունքներ

Ինչպես և որ տարիքում են ձևավորվում անհատի պահանջմունքները։ Շելերի արժեքային բուրգը և Մասլոուի պահանջմունքների բուրգը։ Հիմնարար պահանջմունքներն ու դրանց կառավարումն արժեհամակարգի միջոցով։ Վեհ պահանջմունքների բավարարումը։ Պահանջմունքների ազնվացումը անհատական և հասարակական մակարդակում։

  • Խոսնակ՝ Աննա Առաքելյան
  • Վարող՝ Վարդան սրկ․ Ասլանյան
Ինքնություն և արժեքներ
Ազգային կրթական համակարգ
27/02/2024

Ազգային կրթական համակարգ

Հայ կրթական համակարգի պատմական ակնարկ, հետխորհրդային շրջանի զարգացումները։ Միջազգային կրթական փորձի կիրառմամբ ինքնուրույն կրթական համակարգի ստեղծումը։ Կենսունակ կրթական մոդելների մշակումն ու հեռահար պլանի հետևողական իրագործումը։ Հանրակրթության արժեքային բաղադրիչը։ Անկախ դպրոցների առաջարկած այլընտրանքը պետական կրթական համակարգին։

  • Խոսնակ՝ Դավիթ Սահակյան
  • Վարող՝ Վարդան սրկ․ Ասլանյան
Ինքնություն և արժեքներ