Ինքնության կորուստը՝ Հայոց ցեղասպանության տարիներին հայ երեխաների թուրքացման օրինակով։ Թուրքական որբանոցներում կիրառվող «նոր մարդու» ձևավորման մեթոդները և դրանց փոխառումը նացիստական Գերմանիայում։ Հայ որբերի լուռ պայքարը հանուն սեփական ինքնության պահպանման։ Համշենահայության տրոհումը տարբեր ինքնութենական գիտակցություն ունեցող երեք խմբերի։

• Խոսնակ՝ Շուշան Խաչատրյան
• Վարող՝ Վարդան սրկ․ Ասլանյան

Ինչպես և որ տարիքում են ձևավորվում անհատի պահանջմունքները։ Շելերի արժեքային բուրգը և Մասլոուի պահանջմունքների բուրգը։ Հիմնարար պահանջմունքներն ու դրանց կառավարումն արժեհամակարգի միջոցով։ Վեհ պահանջմունքների բավարարումը։ Պահանջմունքների ազնվացումը անհատական և հասարակական մակարդակում։

• Խոսնակ՝ Աննա Առաքելյան
• Վարող՝ Վարդան սրկ․ Ասլանյան

Հայ կրթական համակարգի պատմական ակնարկ, հետխորհրդային շրջանի զարգացումները։ Միջազգային կրթական փորձի կիրառմամբ ինքնուրույն կրթական համակարգի ստեղծումը։ Կենսունակ կրթական մոդելների մշակումն ու հեռահար պլանի հետևողական իրագործումը։ Հանրակրթության արժեքային բաղադրիչը։ Անկախ դպրոցների առաջարկած այլընտրանքը պետական կրթական համակարգին։

• Խոսնակ՝ Դավիթ Սահակյան
• Վարող՝ Վարդան սրկ․ Ասլանյան

Ծնողական դաստիարակության մոդելները և տարիքային առանձնահատկությունները։ Դեռահասության շրջանի բարդությունները և ծնողական դաստիարակության մարտավարությունները։ Ընտանեկան ցնցումների ազդեցությունը երեխայի վրա։ Երեխայի հետ հոգեբանական աշխատանքի ձևաչափերը։

• Խոսնակ՝ Տաթևիկ Աբրահամյան
• Վարող՝ Վարդան սրկ․ Ասլանյան

Պատերազմ և խաղաղություն։ Բացասական և դրական խաղաղություն։ «Ձգտում ես խաղաղության՝ պատրաստվիր պատերազմի»։ Հաղթանակի պարգևած խաղաղությունը։ Խաղաղության հաստատման իշխանական և հասարակական մոտեցումը Հայաստանում։ «Խաղաղություն եմ թողնում ձեզ, Իմ խաղաղությունն եմ տալիս ձեզ, ոչ այնպես, ինչպես այս աշխարհն է տալիս» (Հովհ. ԺԴ 27)։

• Խոսնակ՝ Արթուր Աթանեսյան
• Վարող՝ Վարդան սրկ․ Ասլանյան

Պատերազմը երեխայի աչքերով։ Հոգեբանական տրավմայի դրսևորումները։ Պատերազմ վերապրած երեխայի ինտեգրումը նոր դպրոցական միջավայրում։ Հոգեբանի նախապատրաստական խորհրդատվությունը դպրոցականների, ծնողների ու մանկավարժների հետ։ Դպրոցական հոգեբանների վերապատրաստման անհրաժեշտությունը։

• Խոսնակ՝ Տաթևիկ Աբրահամյան
• Վարող՝ Վարդան սրկ․ Ասլանյան

Մարդկության պատմականությունը։ Պատմության դերը ազգային ինքնագիտակցության և նույնականացման մեջ։ Հայ պատմագրության սկզբնավորումը։ Պատմության ակադեմիական ներկայացումը դպրոցում և բուհական համակարգում։ Պատմության դասընթացի ակնկալվող վերջնարդյունքները։ Երիտասարդ սերնդի վերաբերմունքը հայոց նորագույն պատմությանը։ Ինչո՛ւ մենք այդպես էլ դասեր չենք քաղում պատմությունից։  

• Խոսնակ՝ Անի Թովմասյան
• Վարող՝ Վարդան սրկ․ Ասլանյան

Ընթերցանություն և ինքնակրթություն։ Հանձնարարելի գրականության ցանկեր։ Ինչ կարդալ և ինչպես։ Գրականության վերլուծություն։ Հայ և արտասահմանյան գրականության դպրոցական դասընթացը։ Ինքնություն և արժեհամակարգ ձևավորելու գրականության ունակությունը։

• Խոսնակ՝ Անահիտ Հովհաննիսյան
• Վարող՝ Վարդան սրկ․ Ասլանյան

Կրոնի դասավանդման միջազգային փորձը և հայաստանյան մոդելը։ Կրոնի դպրոցական դասընթացի բովանդակությունը և դասավանդումը։ «Հայ եկեղեցու պատմություն» առարկայի ընկալումը հայ իրականության մեջ։ Հանրակրթության պետական չափորոշչում ներկայացված արժեքային բաղադրիչը։

• Խոսնակ՝ Տ. Տիրատուր քհն․ Սարդարյան
• Վարող՝ Վարդան սրկ․ Ասլանյան

Հավատի և գիտության միջև թվացյալ հակասությունը։ Հավատի անհիմն կամ ոչ գիտական լինելու թյուր կարծիքը։ Հուսալի՞ է արդյոք գիտական ճշմարտությունը։ Ալբերտ Էյնշտեյն. «Գիտությունն առանց կրոնի կաղ է, կրոնն առանց գիտության՝ կույր»։ Հավատի երեք մակարդակներն ըստ գիտնականների և Եկեղեցու հայրերի։ Հավատն ամուր հիմքի վրա կառուցելու անհրաժեշտությունը։

• Խոսնակ՝ Տ. Մեսրոպ քհն․ Արամյան
• Վարող՝ Վարդան սրկ․ Ասլանյան

Ամանորն իբրև նոր կյանք սկսելու առիթ։ Կյանքի հորձանուտից դուրս պրծնելու միջոցները։ Կյանքում գեղեցիկը, բարոյական արժեքներ, առաքինություններ և հոգևոր բաղադրիչ ավելացնելու անհրաժեշտությունը։ Ծառայություն հասարակությանը։ Մահաթմա Գանդի. «Եղի՛ր այն փոփոխությունը, որը ցանկանում ես տեսնել աշխարհում»։

• Խոսնակ՝ Տ. Մեսրոպ քհն․ Արամյան
• Վարող՝ Վարդան սրկ․ Ասլանյան

Ազատության ակունքներն ու հիմքերը։ Մտքի, անձնային և ազգային ազատություն։ Ազատությունը նպատա՞կ է, թե՞ միջոց։ Բացարձակ և հարաբերական ազատություն, հասարակական դաշինք։ Հայ ժողովրդի պայքարն ազատության համար։ Ազատության հռչակագրեր։ Ազատության գինը։

• Խոսնակ՝ Արթուր Աթանեսյան
• Վարող՝ Վարդան սրկ․ Ասլանյան

Երաժշտություն և ինքնություն։ Երաժշտության պատմական ակունքները։ Դասական և ազգային երաժշտություն։ Երաժշտությունը և մարդու ներաշխարհը։ Կրթության զուգորդումը դասական երաժշտության հետ։ Պետական քաղաքականությունը դասական երաժշտության ժողովրդականացման գործում։ Երաժշտական ճաշակի ձևավորումը։

• Խոսնակ՝ Ինեսսա Խաչատրյան
• Վարող՝ Վարդան սրկ․ Ասլանյան

Արվեստն ու գեղեցիկն իբրև մարդու ինքնության անբաժան մաս։ Կերպարվեստի ճյուղերը և դրանց ուսուցումը նախակրթարանի տարիքից։ Դրական արժեքների փոխանցումը արվեստի միջոցով։ Կերպարվեստն իբրև ինքնարտահայտման և հոգեբանական թերապիայի միջոց։ Տաղանդի՞, թե ջանադիր վարժանքի անհրաժեշտություն արվեստում։ Ուսուցչի ոգևորող և առաջնորդող դերակատարությունը։  

• Խոսնակ՝ Սևադա Պետրոսյան
• Վարող՝ Վարդան սրկ․ Ասլանյան

Հասարակական հարաբերություններն իբրև փոխադարձ ծառայության մոդել։ Իր ծառայողական պարտքն ազնիվ և բարեխիղճ կատարող քաղաքացու կերպարը։ Ծառայասիրությունն իբրև քրիստոնեական առաքինություն։ Պաշտոնյայի հասարակական ընկալումը։ Պայքար ծառայողական դիրքի չարաշահման և կոռուպցիայի դեմ։

• Խոսնակ՝ Նոյեմի Անդրեասյան
• Վարող՝ Վարդան սրկ․ Ասլանյան

Գենդերային հավասարության խնդիրը պատմա-մշակութային համատեքստում։ Սեռային-դերային բաժանումը հասարակության մեջ։ Ֆեմինիստական շարժման պահանջները։ Հայաստանում կանանց իրավունքների օրենսդրական ապահովումը։ ԵՊՀ Գենդերային հետազոտությունների և առաջնորդության կենտրոնի և Հայաստանի կանանց հիմնադրամի գործունեությունը։ Հնարավո՞ր է արդյոք հասնել բացարձակ իրավահավասարության։

• Խոսնակ՝ Գոհար Շահնազարյան
• Վարող՝ Վարդան սրկ․ Ասլանյան

Մարդու կյանքում ինքնության և արժեքների սասանումը և դրա հետևանքները։ Ընտանիքի և կրթական համակարգի ուղղիչ և պաշտպանիչ դերակատարությունը։ Հասարակության մեջ արժեքների ու նորմերի պահպանումը, «իմունային բջիջների» անհրաժեշտությունը։ Մարդու ուղղմանը միտված մանկավարժական և հոգեբանական մեթոդները։ Քրեակատարողական հիմնարկների դերակատարությունը Հայաստանում և արտերկրում։

• Խոսնակ՝ Աննա Առաքելյան
• Վարող՝ Վարդան սրկ․ Ասլանյան

Նախադպրոցական կրթությունն իբրև կրթական համակարգի առաջին աստիճան։ Նախակրթության բովանդակությունը։ Ինքնութենական հարցերը երեխայի աչքերով և արժեքների ընկալումը մանկական գիտակցության մեջ։ Ուսուցման ժամանակակից մեթոդների կիրառությունը։ Մանկավարժներին ներկայացվող պահանջները, ծնողների ներգրավումն ու խորհրդատվությունը։ Երեխայի ծանոթացումն արվեստին ու գրականությանը, անհատական և ստեղծագործական որակների խթանումը։

• Խոսնակ՝ Նորա Սարգսյան
• Վարող՝ Վարդան սրկ․ Ասլանյան

Խոսքն իբրև բարձր մտածական գործընթաց։ Համեմատական լեզվաբանություն, ընդհանրական քերականություն։ Լեզուն իբրև ազգային և մշակութային նույնականացման գործոն։ Մարդու ինքնընկալումն ու ինքնարտահայտումը լեզվի միջոցով։ Լեզվաբանական գաղափարախոսություններ, լեզվամտածողության սոցիո-մարդաբանական և էթնոգրաֆիկ երեսը։

• Խոսնակ՝ Լիլիթ Ղազարյան
• Վարող՝ Վարդան սրկ․ Ասլանյան

Հարգանքն իբրև մարդկային հաղորդակցման մեկնակետ։ Հարգանքի կանոնների և հաղորդակցման հմտությունների փոխանցումը կրթական գործընթացում։ Հարգանք շրջակա մարդկանց ու միջավայրի, հասարակական կառույցների և այլակարծության հանդեպ։ Հաղորդակցման խնդիրներ ունեցող աշակերտների հետ տարվող հոգեբանական աշխատանքը։ Ազգային հոգեբանության դրսևորումը ամենօրյա հաղորդակցման մեջ։

• Խոսնակ՝ Սոլանժ Թամամյան
• Վարող՝ Վարդան սրկ․ Ասլանյան