Գիրք Սաղմոսաց
Սաղմոսարանը կամ Սաղմոսաց գիրքը սաղմոսների ժողովածու է, որն իբրև առանձին գիրք հինկտակարանային իմաստության գրականության մաս է կազմում:
Սաղմոսարանն ընդգրկում է 151 սաղմոս, որոնցից 150-ը կանոնական են, իսկ վերջինը` երկրորդականոն: Սուրբգրային ավանդության մեջ Սաղմոսարանը կոչվում է «Գիրք սաղմոսաց Դավթի», սակայն Սաղմոսների խորագրերում հիշատակվում են նաև այլ հեղինակներ` Մովսես, Սողոմոն, Ասափ, Եման, Եթան, Իդիթուն, Կորխի որդիներ, իսկ սաղմոսների զգալի մասն անանուն է: Սաղմոսաց գիրքն իր ներկա տեսքին է բերել և խմբագրել Եզրաս քահանան (Ք. ծ.ա. 5-րդ դ.):
