Սիմվոլիզմի դերը մեր կյանքում: Նշանական ճանաչողության առանձնահատկությունները: Հավաքական ինքնության խորհրդանիշների մեջ ամփոփված գաղափարների, պատումների, բարոյական պատգամների ազդեցությունը մարդկային գիտակցության վրա: Ազգային խորհրդանիշերը որպես մարդկանց միավորող արժեքների, առաքելության, պատմության և ապագայի տեսլականի գաղափարական նշաններ:

Խորհրդանիշները որպես ինքնության շարունակականության, պաշտպանության և հզորացման պատասխանատվություն: Խորհրդանիշների աղավաղումներն ու նենգափոխումները և դրանց նկատմամբ արհամարհանքն ու ոտնձգությունները ինքնության դեմ պայքարի համատեքստում:

Ինչպես վերաբերվենք մեր խորհրդանիշերին: Խորհրդանիշերի ճանաչողության և դրանից բխող արժեքների իրագործման անհրաժեշտությունը: Հայ ինքնության խորհրդանիշերը և դրանց նվիրակարգությունը: Խորհրդանիշների վերաբերյալ պատումները համակարգելու և դրանք կրթության մեջ ներդնելու հրամայականը:

• Խոսնակներ` Հայկ Դեմոյան, Մհեր Նավոյան
• Վարող՝ Տ. Մեսրոպ քհն. Արամյան

Ազգը որպես հավաքական գիտակցություն, պատասխանատվություն և հավատարմություն: Ազգային սրբություններ, խորհրդանիշներ և արժեքներ:  Կրոնի դերը ազգային կյանքում: Եղբայրասիրության պատվիրանը որպես հիմք ազգային կյանքի: Մեր տեսլականը և առաքելությունը:

Ազգը որպես արժեք բացարձակ և վերջնակա՞ն է, թե փոփոխական և միջանկյալ, և կախված է ժամանակից, տեղից  և համատեքստից: Ազգերը հի՞ն են պատմության խորքից եկող կապերով ու մշակույթով, թե նոր ստեղծագործություններ են:

Ինչ է և ինչ չէ պետությունը: Մեր չհիմնավորված սպասումները պետությունից: Ինքնիշխան պետություն ունենալու գինը և պատասխանատվությունը:

Պետության մոդելի պատճենահանման վտանգները: Պետությունը որպես բարոյական համակարգ: Աստվածաշնչյան պատվիրանների վրա հիմնված ազգային պետությո՞ւն, թե անհատների միջև կնքված պայմանագրի իրականացման համակարգ:

• Խոսնակներ` Արթուր Աթանեսյան, Վազգեն Յակուբյան
• Վարող՝ Տ. Մեսրոպ քհն. Արամյան

Քրիստոնեության դերը հայերի կյանքում։
Ի՞նչ է և ի՞նչ չէ քրիստոնեությունը։
Քրիստոնեությունը պատմամշակութային ժառանգությո՞ւն է, թե անընդհատ նորոգվելու զորություն։
Առաջին քրիստոնյա ազգի կարգավիճակն ու պատասխանատվությունը։
Հոգևոր հիմնախնդիրների հանրային քննարկման և մտածողության բացակայություն։
Ինչո՞ւ չենք ուզում խորանալ հոգևորի մեջ:

• Խոսնակներ` Հակոբ Հակոբյան, Թովմաս ուրարակիր Առաքելյան,
• Վարող՝ Տ. Մեսրոպ քհն. Արամյան

Ի՞նչ ենք հասկանում «արժեք» ասելով և ինչպե՞ս ենք վերաբերվում արժեքներին:

Ինչպե՞ս տարբերել իրական արժեքը կեղծից:

Եթե կրթությունը մարդու ձևավորման առաքելություն է, ապա ո՞րն է մարդու մեր կատարելատիպը: Մեր կրթական համակարգը և ուսուցիչները պատրա՞ստ են այս առաքելությանը: Արդյո՞ք կրթության առջև դրված է արժեքների ձևավորման հանրային պահանջ:

Ինչպե՞ս սերմանել և խնամել արժեքները: Արժեքահեն կրթության ի՞նչ օրինակներ կան այսօր աշխարհում և մեզանում:

• Խոսնակներ՝ Սերոբ Խաչատրյան, Մանուկ Հերգնյան
• Վարող՝ տեր Մեսրոպ քհն․ Արամյան

Աստծուն և կրոնը մերժողների,  ընդունելուց կամ չընդունելուց խուսափողների, հարցականի տակ դնողների տարբերությունները և ընդհանրությունները: Հնարավո՞ր է ապրել առանց Աստո: Աստվածամերժ տեսությունների ամբողջականության, հետևողականության և ինքնաբավության խնդիրները:  Գիտապաշտություն, թե՞ գիտություն:
Մերժման հոգեբանությունը: Արդյո՞ք մենք պաշտպանված ենք գիտակցության մանիպուլացիաների դեմ և ունենք սեփական կարծիքի արժանահավատությունը ստուգելու կարողություն: Քննական մտածողություն և ինքնատեսողություն: Ինքներս մեզ գտնելու և հավաքելու անհրաժեշտությունը:
Արդյո՞ք գիտությունը միակ ճանապարհն է իրականության ճանաչողության և բոլոր ճշմարտությունները գալիս են միայն գիտությունից: Գիտությունը կարո՞ղ է ապացուցել կամ հերքել Աստուծո գոյությունը: Հավատքը ռացիոնալ է, թե՞ իռացիոնալ: Արդյո՞ք հավատքի և գիտության մեջ կա՞ հակասություն:

• Խոսնակներ՝ Արամ Փախչանյան, Վարդան Ասլանյան
• Վարող՝ տեր Մեսրոպ քհն․ Արամյան

Արժանապատվությունը որպես ինքնության հիմք և ամրություն: Ինչպես ոտքի կանգնել եւ հավաքվել: Պետությունը որպես բարոյական պատասխանատվություն: Ինչ ենք սպասում պետությունից, եթե մենք մեզ ազատել ենք տեր կանգնելու պատասխանատվությունից: Մեր չլուծված խնդիրները և չհիմնավորված սպասումները: Ինչու ենք մենք փախչում իրականությունից և ճշմարտությանն առերեսվելուց:

• Խոսնակներ` Արթուր Մկրտչյան, Վահրամ Տեր-Մաթևոսյան
• Վարող` Մեսրոպ քահանա Արամյան

Եկեղեցու դերը և սպասավորությունը հայ ժողովրդի կյանքում: Ինչ ենք սպասում Եկեղեցուց, և ինչ է սպասում Եկեղեցին մեզանից: Կրոնը որպես հոգևոր-ճանաչողական համակարգ և կյանքի կարգավորման արժեքային հիմք: Որտեղից են գալիս մշակույթի բարոյական պատվիրանները:  Ինչպես զերծ մնալ հոգևորի եսապաշտական ընկալումներից:

• Խոսնակներ` Լարիսա Ալավերդյան, Արա Զոհրաբյան
• Վարող` տ. Մեսրոպ քահանա Արամյան

Կյանքը որպես պայքար: Ինչպես, որքան և հանուն ինչի պայքարել: Պայքարը արժեքային նվիրակարգության համատեքստում: Հայրենիք և սրբություններ: Ինչպես տեր կանգնել քո ինքնությանը և արժեքներին: Ճանաչողություն, պատասխանատվություն և պաշտպանական համակարգ: Հաղթանակ և պարտություն: Ինչպես հաղթել և ինչպես պարտվել: Ինչպես ամրագրել հաղթանակը և հաղթահարել պարտությունը: Իրականության զգացողություն և երկարաժամկետ մտածողություն: Թշնամին և բարեկամը: Ում դեմ պայքարել և ում հետ ճանապարհ գնալ: Հարգանք թշնամու նկատմամբ, երախտագիտություն բարեկամի նկատմամբ և սեփական արժանապատվության զգացողություն: Պայքարի մեթոդներ և ուղիներ: Սրբոց Թարգմանչաց շարժումը որպես երկարաժամկետ մտածողության և համակարգված պայքարի օրինակ:

1. Ինչ է պատմությունը հայերիս համար. անցյալի հիշողությո՞ւն, մեկնաբանությո՞ւն, ստեղծագործությո՞ւն, ներշնչանքի աղբյո՞ւր:
2. Պատմական գիտելիքի և փորձառության հիմնական պատումները և գաղափարները: Որն է հայ ինքնության անդրպատումը կամ պատումների պատումը:
3. Առաքինության պատմություն: Ինչ արժեքներ է փոխանցում մեզ պատմությունը, և ինչ բարոյական պատասխանատվություն ենք կրում դրանց նկատմամբ:
4. Կենդանի և մեռած պատմություն: Պատմությունը որպես շարունակական դրամա: Որն է մեր դերը պատմական դրամայում:
5. Պատմությունը որպես իրականություն: Մենք ներկա՞ ենք իրականության մեջ, թե՞ փախչում ենք իրականությունից:
6. Լուծված և չլուծված խնդիրների ժառանգություն: Ինչ պատմական բեռ ենք թողնում ապագա սերունդների համար:
7. Պատմական մտածողության ձևավորում: Ինչպես ներկայացնել և ուսուցանել պատմությունը:

    Մշակույթը որպես մտածողության, աշխատանքի, հարաբերությունների, բարիքի և իդեալների կենսագործ միջավայր կամ համակարգ:
    Մշակույթի ճանաչողական և բարոյական աքսիոմները և դրանցից բխող հարացույցները:
    Կայացումը, արարումը և կարգավորումը (մշակույթ) ընդդեմ ինքնոչնչացման, սպառման և քաոսի (հակամշակույթ):
    Մշակույթի դերը ընդդեմ իմաստի և նպատակի ճգնաժամի: Մենակների և անհաղորդների հասարակությունը: Զոմբին որպես խորհրդանիշ մշակոթային աշխարհակործանման:
    Մշակութային ամբողջականություն և ազգային ինքնություն: Պատճենահանումների և արհեստական լուծումների վտանգը: Քոնը սինթեզելու անհրաժեշտությունը և քո խաչը վերցնելու կամքը:
    Մշակութային արգելական պատվիրանները կամ սահմանափակող կանոնները: Եսի և ցանկությունների սահմանափակումը հանուն բարձր հավաքական նպատակների: Դրական ասկետիզմ: Զոհաբերության ոգի և կենդանի մշակույթ:
    Մշակույթը արհեստական բանականության դարաշրջանում: Ինչպես է նոր ձևավորվող մշակույթը լուծում ճշմարտության և բարոյական իդեալների հասանելիության խնդիրը: Գծային ալգորիթմների փակուղին: Արդյո՞ք մարդու ուղեղը աշխատում է որպես քվանտային համակարգիչ:

Ազատության անհրաժեշտությունը և դերը մարդկային կյանքում: Ինչո՞ւ, ինչի՞ց և հանուն ինչի՞ ենք ուզում ազատ լինել: Ազատության և ինքնության առնչությունը: Ազատ կամք, Աստուծո պատկեր և նմանություն: Դետերմինիզմ և ճակատագրապաշտություն:

Ազատության ուղղությունը և պատասխանատվությունը: Բարիք, բա րոյականություն և ճշմարտություն:

«Եւ կը ճանաչէք ճշմարտութիւնը, եւ ճշմարտութիւնը կʼազատի ձեզ» (Յովհ. Ը 32):

«Միայն առաքինի ժողովուրդներն են ունակ ազատ լինելու» (Բ. Ֆրանկլին):

Ներքին կամ հոգևոր ազատություն: Ազատագրված մարդու իդեալը: Կեղծ ազատություն և մոլորություններ: Ազատությունը որպես ապրելու, մտածելու և ստեղծագործելու համարձակություն: Ազատությունը որպես կամուրջ դեպի անհայտը և ծածուկը: Ազատությունը որպէս նորարարության և ստեղծարարության բանալի: Կրթություն և ազատություն:

Ինչ է կատարվում, երբ մշակույթն ու տեխնոլոգիաները միավորվում են: Ինչ է արվեստն ու ինչ դեր ունի մարդկանց կյանքում: Մարդկության մշակութային ապագան: Արհեստական բանականության էթիկական հիմնախնդիրները և հնարավոր հետևանքները, որ այն կարող է ունենալ:

Հավաքական ինքնության հիմնական հատկանիշները (ընդհանուր զգացումներ, հետաքրքրություններ, հավատալիքներ): Ազգային հոգի, կամք և բարոյականություն: Հայ ինքնության կարևորագույն իրադարձությունները և աղբյուրները: Ինչ արժեքներ են բխում դրանցից և որքանով են դրանք կենսական այսօր մեզ համար: Վերափոխման կամք և համարձակություն: Ապագայի պատասխանատւություն:

Առաջնորդության անհրաժեշտությունը և դերը մարդկային կյանքում: Առաջնորդության տեսակները և դրանց փոխակերպումները ժամանակի մեջ: Ի՞նչ չափանիշների պետք է համապատասխանեն առաջնորդները, և ինչպե՞ս պատրաստել նրանց: Առաջնորդի և հետևորդի փոխհարաբերություններ և պատասխանատվություններ: Քաղաքական առաջնորդություն և ազգային հոգեբանություն: Հանրային առաջնորդության մոդելի ընտություն ազգային ինքնության համատեքստում: Էլիտաների դերը առաջնորդության մշակույթի ձևավորման գործում: Առաջնորդության ճգնաժամի հաղթահարման ուղիները:

Ինչ է բարիքը և ինչ տեղ է այն զբաղեցնում մեր արժեքային նվիրապետության մեջ: Բարիքը որպես հոգևոր, փիլիսոփայական, մշակութային, ճանաչողական իդեալ: Բարիքի դասակարգումներ` հոգևոր և նյութական, ընդհանրական և անհատական, ամբողջական և մասնակի, հավիտենական և անցողիկ են: Առաքինությունը որպես բարիքի իրագործում: Բարու և չարի պայքարը: Խիղճ և ընտրություն:

Ի՞նչ են արժևորում անհատները եւ հասարակությունները, և ինչո՞ւ է անհրաժեշտ արժևորել որոշակի իրողություններ: Արժեքները որպես ճանաչողության հիմք: Արժեքների հարաբերակցությունը ինքնության, առաքելության և տեսլականի հետ: Արժեքների հիմնական դասակարգումները: Կա՞ն արդյոք հիմնարար արժեքներ, որոնք ընդհանուր են բոլոր քաղաքակրթությունների համար: Կրթության արժեքային հիմքը:

Ճշմարտության դերը ճանաչողության եւ ինքնաճանաչողության գործընթացում: Ի՞նչ է նշանակում ճշմարտություն բառը տարբեր լեզուներում և քաղաքակրթություններում: Ինչպե՞ս է ճշմարտակենտրոնությունը ազդում մշակույթների ձևավորման վրա: Ճշմարտությունը քրիստոնեության մեջ: Ո՞րն է ճշմարտության գինը, եւ որքա՞ն ենք պատրաստ զոհաբերելու հանուն ճշմարտության:

Ճանաչողության դերը եւ նշանակությունը մարդկային կյանքում: Ինչպե՞ս եւ ի՞նչ ենք ճանաչում: Ւնքնաճանաչողությունը ընդհանուր ճանաչողության գործընթացում: Ինքնաճանաչողության ճանապարհի դժվարութիւնները եւ մարտահրավերները: Ճանաչողություն եւ կրթություն: Ի՞նչ եւ ինչպե՞ս ենք սովորեցնում ճանաչել: Ինքնաճանաչողության խնդիրը կրթության մէջ: Մեքենայական ճանաչողություն եւ արհեստական բանականություն: