Հոգևոր զրույցներ (արխիվ)
Կյանքի կոչում և նպատակ: Ներանձնական փնտրումներ և հոգևոր ճանապարհի ընտրություն: Դավանական մաքրություն, ուղղափառ գիտակցություն, սեփական ավանդության ճանաչողություն: Ինչ պատասխաններ է տալիս Եկեղեցին մեզ հուզող խնդիրներին: Ինչպիսին է հոգևորի և նյութականի փոխհարաբերությունը մարդու կյանքում: Կարելի՞ է այս կյանքում հասնել կատարելության: Ինչպես իրագործել քրիստոնեական պատվիրանները: Ինչպես վերաբերվել աղանդավորական շարժումներին: Ինչպես զերծ պահենք մեզ և մեր երեխաներին հոգևոր շեղումներից: Այս և այլ կարևոր հարցերի պատասխանները` «Հոգևոր զրույցներ» հաղորդաշարի քննարկումներում:
Ինքնասպանություն
Ինքնասպանությունը Աստծո դեմ գործված ոճիր է: Որոնք են ինքնասպանության դիմելու գլխավոր դրդապատճառները: Էվթանազիան անընդունելի է քրիստոնեության մեջ: Մեղքը գիտակցելը և դարձի գալը այն ճանապարհն է, որով հնարավոր է հասնել թողության:
- Խոսնակ՝ Տեր Մեսրոպ քահանա Արամյան
- Վարող՝ Արա սարկավագ Նալչաջյան
Ծուլություն
Ծուլությունը դասվում է 7 մահացու մեղքերի շարքին: Ծուլությունը հոգևոր թուլության վիճակ է, երբ մարդը հանձնվում է չարին: Որն է պատճառը, որ մարդկային բնությունը հակում ունի դեպի ծուլությունը: Չափավոր հանգստի և ծուլության տարբերությունները: Աշխատասիրությունը ծուլության դեմ պայքարի միջոցն է: Մարդը կարիք ունի դիմելու Աստծո զորությանը, որպեսզի կարողանա լիովին հաղթահարել ծուլությունը:
- Խոսնակ՝ Տեր Մեսրոպ քահանա Արամյան
- Վարող՝ Արա սարկավագ Նալչաջյան
Բամբասանք
Բամբասանքը բացասաբար է անդրադառնում մարդկանց կյանքի բոլոր ոլորտների վրա: Բամբասանքն առաջացնում է բազմաթիվ հոգևոր վտանգներ: Լեզվի մեղքերի մեջ բամբասանքը ծանրագույն մեղք է համարվում: Պետք է դատապարտել մեղքը, բայց ոչ՝ մեղքը գործողին: Ինչպես հեռու մնալ բամբասանքից:
- Խոսնակ՝ տեր Մեսրոպ քահանա Արամյան
- Վարող՝ Արա սարկավագ Նալչաջյան
Սիրո պատվիրան
Աստվածսիրությունը մարդկանց միջև սիրո աղբյուրն է: Քրիստոնեության կարևոր բաղադրիչ է սերը մարդկանց նկատմամբ, քանի որ յուրաքանչյուր մարդ Աստծո պատկերը և նմանությունն ունի: Ճշմարիտ սերը պետք է ուղեկցվի ներողամտությամբ և ողորմության գործերով: Ինչպես իրագործել սիրո պատվիրանը:
- Խոսնակ՝ տեր Մեսրոպ քահանա Արամյան
- Վարող՝ Մանուկ Հերգնյան
Աղանդներ
Որն է աղանդի բնորոշումը Եկեղեցու տեսանկյունից: Աղանդի բաղադրիչ տարրերը։ Ինչպես հասկանալ, որ աղանդի հետ ենք առնչվում (սկզբնաղբյուրների ընտրություն, առաջնորդի առկայություն և այլն): Աղանդների ծագումնաբանությունը (արիոսականությունից մինչև Եվոհայի վկաներ): Աղանդների դեմ պայքարի լավագույն ճանապարհը ճշմարիտ հավատքի ուսուցումն է:
- Խոսնակ՝ տեր Մեսրոպ քահանա Արամյան
- Վարող՝ Մանուկ Հերգնյան
Նախանձ
Մահացու մեղքերը մարդկային բնության հիմնական փորձություններն են և բոլոր այլ մեղքերի պատճառը: Ինչու է նախանձը համարվում մահացու մեղք: Նախանձը արդյունք է սիրո պակասի: Որքան մարդիկ հոգեպես արթնանում են, այնքան հեռանում են նախանձից: Նախանձն ու չարությունը թունավորում են մարդուն թե՛ մարմնապես, թե՛ հոգեպես:
- Խոսնակ՝ տեր Պարգև արքեպիսկոպոս Մարտիրոսյան
- Վարող՝ տեր Մեսրոպ քահանա Արամյան
Կաշառակերություն
Ինչ է կաշառակերությունը քրիստոնեության տեսանկյունից: Արդարությունը հանրային կյանքի կազմակերպման հիմնական սկզբունքն է: Օրենքի և իրավունքի իմաստային տարբերությունները: Արդարության և իրավունքի գիտակցությունը մարդն ունի ըստ բնական օրենքի: Ինչպես պայքարել կաշառակերության դեմ:
- Խոսնակ՝ տեր Մեսրոպ քահանա Արամյան
- Վարող՝ Մանուկ Հերգնյան
Լավատեսություն
Ինչ է լավատեսությունը և ինչով է տարբերվում քրիստոնեական հույսից։ Մարդու վերջնական նպատակը փրկությունն է: Լավատեսությունը պետք է հիմնված լինի իրականության զգացողության վրա։ Նեղությունների հաղթահարումը զորացնում է ճշմարիտ հույսը։
- Խոսնակ՝ տեր Մեսրոպ քահանա Արամյան
- Վարող՝ Արա սարկավագ Նալչաջյան
Ազգային հպարտություն
Ինչ է ազգային հպարտությունը քրիստոնեության տեսանկյունից։ Հպարտության դրսևորումներն առօրյա կյանքում։ Հասարակական և անհատական շահերի միասնությունը։ «Արժանապատվություն» և «հպարտություն» բառերի իմաստային երանգները։ Ինչու և ինչպես են առաջացել ազգերը պատմականորեն։
- Խոսնակ՝ տեր Մեսրոպ քահանա Արամյան
- Վարող՝ Մանուկ Հերգնյան
Տառապանք
Գիտակցված տառապանքը մարդուն տանում է դեպի երջանկություն: Տառապանքները հաղթահարելու ճանապարհներն ըստ Իսահակ Նինվեացու: Արդյոք կա՞ն հավիտենական չարիք և հավիտենական երանություն։ Ինչպես փոքրերին բացատրել տառապանքի կարևորությունը։
- Խոսնակ՝ տեր Մեսրոպ քահանա Արամյան
- Վարող՝ Մանուկ Հերգնյան